Accessibility links

дүшәмбе, 5 декабрь 2016, Казан вакыты 07:32

Bolğardan qaytuçı ufalılar törkeme Çallıda tuqtalış yasadı


Başqortstandağı "Ramazan" milli mädäni Üzäge oyıştırğan Bolğar säfäre Çallıda da üzeneñ ezen qaldırdı. Bıyıl da, başqa yıllardağı kebek, säfärçelär Çallı pristanendä tuqtalış yasap, şähär häm cämäğätçelek wäkilläre belän oçraştılar. Älege oçraşularğa artıq täfsilläp tuqtalıp tormıym, "Azatlıq" xäbärçesen berniçä soraw qızıqsındırdı häm şuşı Çulman yarında, Çulman yılğası yanındağı "Täwbä" mäçetendä bulğan oçraşular barışında bu sorawlarğa cawap ezläde. Bıyılğı säfär undürtençe, häm ul, başqa yıllardan älläni aerılmıyda kebek. Şulay da, üzençälek nidä, säfärçelär bıyıl Tatarstan cirendä nindi dä bulsa yañalıqlarğa oçrağannarmı? Küpsanlı xalıqara bäygelärdä laureat isemnäre alğan, Ufadan Bolğarğa bulğan säyäxättä daimi qatnaşuçı Salawat Äxsänov süzläre küpçelek fikeren çağıldırdı kebek :

-Bıyıl Çıbıq Saray şähärenä kerüebez yañalıq buldı. Çuaşlar ilendä millättäşlärebez dä küp yäşi ikän, bik matur itep qarşı alıp, ozatıp qaldılar."Çallıdağı oçraşu barışında Çuaşstan başqalası Çabaqsarnı Çıbıq Saray dip atadılar. Menä şuşı Çıbıq Saray şähärendä bulğanda Başqortstan säfärçelärenä çuaş delegatsiäse dä quşıla. Säyäxät barışında teploxodtağı tatarlar häm başqortlar çuaş qärdäşlären qıyırsıtmağannarmı, räncetmägännärme? Azatlıq xäbärçeseneñ şayartulı sorawına çuaş qızı Alevtina Mityukova bolay dide :

-Barısı da yaxşı. Säyäxät barışında min üzemne öydä, duslarım, yaqınnarım arasında kebek xis itäm. Şuşı ğäcäyep säfär öçen "Ramazan" törki cämğiätenä räxmätlemen. Alevtina Rusiädä "İñ güzäl çuaş qızı" isemen ayulağan häm çuaş güzäleneñ säyäxät barışında xıyalı tuğan, ul tatarça söyläşergä öyränergä teli.Çuaş güzäle Alevtina Mityukova Tatarstanda häm Başqortstanda yäşäwçe qärdäşlärenä tuğan telendä sälämnär dä yulladı.

İnde xäbär itelgänçä, Ufa - Bolğar säfäre 14 tapqır oyıştırıldı. Menä şuşı küreneş Çallı tatarlarınıñ qayberlärendä könläşü kebek xisläre dä tudırğan, yänäse menä niçä yıl inde Başqortstan tatarları teploxodlarğa utırıp, küñel açıp, aralaşıp, milli bağlanışlarnı nığıtalar. Tatarstan tatarları da şundıy säfärlär oyıştıra almıy meni ? Xalıq arasında kütärelgän şuşı sorawnı "Azatlıq" xäbärçese Çallı yazuçıları berlege räise, qunaqlarnı qarşı aluda qatnaşqan Waxit İmamovqa birde häm cawap mondıy :

"Bezdä bügen tatar ictimaği üzäge dä, milli mäcles tä eşlämi, yäğni, milli xäräkät yuq. Şunıñ qay tawışı küzaldında".

"Ramazan" cämğiäte prezidentı Marat Şäripov äytüençä, Ufalılar bıyılnıñ 25 avgustınnan 1 sentäberenä qädär Bolğarğa tağın ber säfär oyıştıralar. Anısı Salawat Fätxedtinov icatına bağışlana.

Ğafiulla Ğaziz, Çallı

XS
SM
MD
LG