Accessibility links

шимбә, 3 декабрь 2016, Казан вакыты 05:42

Şamil Basayev üterelde


İnguşetiädä çeçen qarşılığınıñ mäğlüm xärbi başlığı Şamil Basayev üterelgän. Bu xäbärne Rusiä prezidentınıñ üzenä Federal İminlek Xezmäte başlığı Nikolay Patruşev citkerde.

Anıñ süzlärençä, Basayev häm anıñ belän bulğan berniçä çeçen suğışçısı maxsus operasia waqıtında üterelgän. Putin Patruşevnı, iminlek xezmätläreneñ şuşı uñışı belän qotlap, Basayev qılğan ğämälläre öçen tieşle cäzasın aldı, dide.

Ekayevo awılındağı maxsus xärbi çara waqıtında şartlatqıçlar häm qoral töyägän KAMAZ maşinası şartlağan. Maşina yanındağı suğışçılar hälak bulğan. İnguşetiä vitse-premyerı Bäşir Aşuyev “İnterfax”qa, Basayevnıñ mäyete ayaq protezı häm saqalın kürep tanılğan, dip äytte.

Basayev 2004 yılda Beslan mäktäbendä 320 keşeneñ ülemenä kitergän faciğä, 1995 yılda Budenovskiyda awırularnı totıq itkän öçen cawaplılıq alğan keşe. Ul şulay uq 2002 yılda Mäskäwneñ Dubrovka teatrında 129 keşeneñ ğömeren özgän terror ğämälen dä oyıştırğan ide.

Bu çaraları belän Basayev suğışnı Rusiäneñ üzägenä cäyelderü maqsatın quydı. Suğışçılarnıñ 41 yäşlek yulbaşçısı üzeneñ ğıysyançılıq yulın Abxaziädä Gruziägä qarşı köräş belän başlağan. 1994 yılda Çeçnägä Rusiä ğaskärläre kergännän soñ, Basayev anda da üzen tiz arada osta citäkçe itep tanıttı.

Bar çeçen citäkçeläre arasınnan Şamil Basayev yamanatı taralğan iñ dähşätle başlıq sanala ide. Belgeçlär, Basayev nindi genä qarşılıqlı şäxes bulmasın, anıñ üleme, çeçen qarşılığı öçen zur yuğaltu bulıp tora, dip belderä.
XS
SM
MD
LG