Utırışlar zalındağı şuşı şaw-şu yaña ğına qorılğan "anti-krizis" berektäşlegen kiläçäktä şaqtıy qatlawlı eşlär kötüenä işarä itä. Älege berektäşlekkä Rusiägä qarağan Töbäklär partiäse, kommunistlar häm sotsialistlar kerä, ul Yuğarı Radada moña qädär formal'' töstä genä bulsa da yäşäp kilgän "äflisun" berektäşlegenä almaşqa kilä.
Yuğarı Radanıñ yaña citäkçese itep saylanğan Aleksandr Moroz sotsilaistları elegräk "äflisunçılar" belän bergä bulsa, sişämbe irtän alar inde oppozitsiädäge Töbäklär partiäse belän yaña berektäşlek qoruın belderde, monı Moroz üze iğlan itte:
"Min Ukraina Yuğarı Radası idaräsendä yaña deputat berläşmäse qorıluın häm terkälüen iğlan itäm. Şuşı deputat berläşmäse Töbäklär partiäse, Ukraina sotsialistlar partiäse häm Ukrainanıñ kommunistlar partiäse başlıqları tarafınnan imzalanğan berektäşlek kileşüe nigezendä qorıla, anıñ Yuğarı Radada 238 deputatı bula häm alar barısı da bu kileşüne imzaları belän berkette", digän ide sişämbe irtän Yuğarı Rada utırışın açqanda Aleksandr Moroz.
Moroznıñ şuşı belderüen anıñ yaña berektäşläre alqışlar, ä äflisunçılar "satlıq", "Yähüd" digän awazlar belän qarşı aldı. Şunnan soñ Yuliä Timoşenko berläşmäse deputatları parlament utırışın özärgä tırışıp qaradı, ämma Yanukoviçneñ Töbäklär partiäse wäkilläre moña qarşı çığıp, parlament mönbären çornap aldı. Şunnan soñ inde Yuliä Timoşenko tarafdarları eşkä megafonnar cigep, zaldağı fiker alışunı sirenalar belän tomalıy başladı.
450 urınlı parlamentta yaña "anti-krizis" berektäşlegeneñ üz qararların ütkärü öçen küpçelege citärlek bulaçaq. Ul inde sişämbedä premyer-ministr urınına Viktor Yanukoviçne täqdim itüen belderde dä. Mäğlüm ki, "äflisun inqilabı"na kitergän 2004-nçe yılğı prezident saylawlarında xäzerge prezident Viktor Yuçenkonıñ töp köndäşe bulıp näq menä Yanukoviç torğan ide.
Xäzer inde Yuçenko şuşı köndäşen çınnan da xökümät başına täqdim itü ixtimalı aldında qala ala. "Äflisunçı" köçlär bu urınğa Yuliä Timoşenkonı täqdim itkän ide, ämma Yuçenko, premyer-ministrnı bilgelär aldınnan Yuğarı Rada başta ilneñ Konstitutsiä mäxkämäsen raslarğa tieş, dip belderde. Xäzer Kievtä, yaña "anti-krizis" berektäşlegenä Yuçenkonıñ "Bezneñ Ukraina" xäräkäte dä quşılıp, ul konstitutsiäne üzgärterlek küpçelekkä iä bula ala, digän farazlar äytelä.
Ämma Yuçenko yağı başqa ber ixtimalnı da tikşerä - prezident Yuğarı Radanı taratıp ildä yaña parlament saylawları iğlan itä ala.
Prezident Yuçenkoğa yaqın torğan Petro Poroşenko näq şulay dip belderä dä. Ul yaña saylawlar ütkärüne yaqlıy.
Kärim Kamal
Yuğarı Radanıñ yaña citäkçese itep saylanğan Aleksandr Moroz sotsilaistları elegräk "äflisunçılar" belän bergä bulsa, sişämbe irtän alar inde oppozitsiädäge Töbäklär partiäse belän yaña berektäşlek qoruın belderde, monı Moroz üze iğlan itte:
"Min Ukraina Yuğarı Radası idaräsendä yaña deputat berläşmäse qorıluın häm terkälüen iğlan itäm. Şuşı deputat berläşmäse Töbäklär partiäse, Ukraina sotsialistlar partiäse häm Ukrainanıñ kommunistlar partiäse başlıqları tarafınnan imzalanğan berektäşlek kileşüe nigezendä qorıla, anıñ Yuğarı Radada 238 deputatı bula häm alar barısı da bu kileşüne imzaları belän berkette", digän ide sişämbe irtän Yuğarı Rada utırışın açqanda Aleksandr Moroz.
Moroznıñ şuşı belderüen anıñ yaña berektäşläre alqışlar, ä äflisunçılar "satlıq", "Yähüd" digän awazlar belän qarşı aldı. Şunnan soñ Yuliä Timoşenko berläşmäse deputatları parlament utırışın özärgä tırışıp qaradı, ämma Yanukoviçneñ Töbäklär partiäse wäkilläre moña qarşı çığıp, parlament mönbären çornap aldı. Şunnan soñ inde Yuliä Timoşenko tarafdarları eşkä megafonnar cigep, zaldağı fiker alışunı sirenalar belän tomalıy başladı.
450 urınlı parlamentta yaña "anti-krizis" berektäşlegeneñ üz qararların ütkärü öçen küpçelege citärlek bulaçaq. Ul inde sişämbedä premyer-ministr urınına Viktor Yanukoviçne täqdim itüen belderde dä. Mäğlüm ki, "äflisun inqilabı"na kitergän 2004-nçe yılğı prezident saylawlarında xäzerge prezident Viktor Yuçenkonıñ töp köndäşe bulıp näq menä Yanukoviç torğan ide.
Xäzer inde Yuçenko şuşı köndäşen çınnan da xökümät başına täqdim itü ixtimalı aldında qala ala. "Äflisunçı" köçlär bu urınğa Yuliä Timoşenkonı täqdim itkän ide, ämma Yuçenko, premyer-ministrnı bilgelär aldınnan Yuğarı Rada başta ilneñ Konstitutsiä mäxkämäsen raslarğa tieş, dip belderde. Xäzer Kievtä, yaña "anti-krizis" berektäşlegenä Yuçenkonıñ "Bezneñ Ukraina" xäräkäte dä quşılıp, ul konstitutsiäne üzgärterlek küpçelekkä iä bula ala, digän farazlar äytelä.
Ämma Yuçenko yağı başqa ber ixtimalnı da tikşerä - prezident Yuğarı Radanı taratıp ildä yaña parlament saylawları iğlan itä ala.
Prezident Yuçenkoğa yaqın torğan Petro Poroşenko näq şulay dip belderä dä. Ul yaña saylawlar ütkärüne yaqlıy.
Kärim Kamal