Accessibility links

пәнҗешәмбе, 8 декабрь 2016, Казан вакыты 23:04

“İxlas” mäçeteneñ täwge yübileyı


11 yül Ufanıñ “İxlas” mäçete räsmi açıluınıñ biş yıllığın bilgeläde. Bäyräm tantanasında din ähelläre, däwlät cıyılışı deputatları, törle şirkät häm cämäğätçelek oyışmaları citäkçeläre, möselmannar qatnaştı. Mäçetneñ imam-xatibı Möxämmät Ğälläm uzğan qısqa ğına waqıt eçendä elekke cimerelep betkän “Nur” kinoteatrınıñ şundıy mähäbät mäçetkä äylänüen, anıñ kitapxanäse, kibete, sönnät bülmäläre tözelüen, internetta säxifäse açıluın häm başqa bik küp uñay üzgäreşlär buluın iskä töşerde. Möxämmät xäzrät süzlärenä qarağanda, yaqın aralarda aña ike manara da quyılaçaq. Bäyräm tantanasında çığış yasağan Başqortstan tatarları kongressı başqarma komitetı räise Ruşan Ğällämov mäçettä yäşlär az buluına iğtibar itep, dingä yäşlärne cälep itü çaraları ezlärgä çaqırdı. Yegermençe ğasır başında Başqortstanda öç meñ mäçet bulğan, bügen 500-gä dä tulmıy dip, anıñ säbäben şähärläşü belän añlattı. Ğalim fikerençä, awıllarda xalıq ber-bersen belä häm şuña ayırım mäsälälärdä alarğa oyışu ciñel. Ğällämov şähärdäge küpqatlı yortlarda yäşäwçelär barı tik berniçä keşene genä belä dip üzen misal itep kiterde. Başqarma komitet citäkçese yäşägän yortında tübän qat kürşesenä su ağızıp, şulay uq üzeneñ östendä yäşäwçe anıñ fatirın suğa batırğaç qına tanışuın äytte.

XS
SM
MD
LG