Accessibility links

Кайнар хәбәр

Kievta çatırlar şähärçege zuraya


Ukraina başqalasında Yuğarı Rada binası yanında yaña “antikrizis” koalisiase häm aña qarşı bulğannarnıñ uram cıyınnarı uza. Yulia Timoşenko blogı wäkilläre parlamenttağı küpçelekne alıştıru häm Sosialistlar firqäsı wäkilen spiker itep saylaw döres tügel di. Bu uñaydan qarşılıq çarası başlap cibärä häm anıñ qayçan betäse bilgele tügel. “Äflisunçılar”nıñ parlamenttan yıraq bulmağan Bäysezlek mäydanında çatırlar şähärçege zuraya. Prezident Viktor Yuşçenkonıñ elekke kiñäşçese Watandaşlar partiase “Pora”nıñ äğzası Vladislav Kaskiv: “Ukrainanıñ demokratik yünäleştäge köçläre, döresen äytkändä, citärlek däräcädä ölgerep citmägän. Şuña kürä, Ukrainanı krizistan çığara torğan säyäsi programma äzerlänmäde. Ölkän säyäsi elita da, nindi töstä genä bulmasın, äflisun tösendäme, zäñgärme, yäisä başqa töstäme, Ukrainanı krizistan çığara almıy” - dide.

Yuğarı Rada yanına cıyılğan Regionnar firqäsı yaqlılar, Yuşçenkodan premyer ministr urınına alarnıñ başlığı Viktor Yanukoviçnı quyunı taläp itä. Parlamentta pänceşämbegä qädär tänäfes iğlan itelde.
XS
SM
MD
LG