Accessibility links

шимбә, 10 декабрь 2016, Казан вакыты 06:13

AQŞ prezidentı häm Germaniä kanslerı Stralsundta oçraştı


AQŞ prezidentı George Bush bu yulı başqala Berlinğa tügel, ä Germaniäneñ Pomeran-Meklenburgtağı Stralsund şähärenä kilde. Mäğlüm ki, kansler Angela Merkel üze bu yaqlardan, häm ul elekke GDR cirlären tanıtuğa zur ähämiät birä. Bush ta näq Stralsundqa çaqırılğan buluına ayıruça ähämiät birde:

"Kansler itep Merkelne saylawçılar arasında bulu – zur däräcä. Aq Yortta bulğan oçraşu waqıtında, ul, Germaniägä kilgändä sez Germaniäneñ iñ matur cirenä kilergä tieş digän ide."

AQŞ-Germaniä mönäsäbätläre xökümät däräcäsendä yaxşıra. Mäğlüm ki Germaniäneñ elekke kanslerı Gerhard Şröder Bushnıñ Ğiraqtağı suğışın yaqlamağan ide. Bu aña saylawlarda ciñergä dä mömkinlek birde. Bush:

"Bergä eşli alırlıq eşlär şundıy küp. Häm säfäremneñ maqsatlarınıñ berse – sezgä häm kanslerğa – Amerika häm Germaniä ber bersen yaqlayaçaq dip äytü."

Ämma citäkçelek üzgärde dip kenä Germaniä xalqı üzeneñ mönäsäbäten tiz genä üzgärtergä aşıqmıy. Şulay uq demokratiä bulğan Germaniädä Bushqa qarşı çıqqan säyäsi köçlär dä bar.

Matbuğat oçraşuında Merkel häm Bush, söyläşülärdä töp tema – Yaqın Könçığış, İran bulğanın bilgeläde.

(Tulıraq mäğlümat Azatlıqnıñ 13 yül tapşıruında)

Alsu Qormaş-Färid İdelle, Praga-Münxen
XS
SM
MD
LG