Accessibility links

Кайнар хәбәр

Sotsial ipoteka belän tözelgän berençe yort faydalanuğa tapşırıldı


Pänceşämbe könne Qazandağı İmänlek uramınıñ 11 nçe yortı tiräse göjläp tordı. Monda Mintimer Şäymiev qatnaşında sotsial' ipoteka buyınça tözelgän berençe yortnı faydalanuğa tapşıru tantanası uzdı. Berniçä kön elek kenä yaña fatirlardan açqıç alğan xucalar Tatarstan prezidentın häm Qazan merı İlsur Metşinnı yort işegaldında qarşı aldı. Yaña yortqa küçkän 168 ğailäneñ yartısınnan kübräge - byudjet ölkäsendä eşläwçelär. 31 fatir ipotekada qatnaşuçı oyışmalarnıñ eşçelärenä tapşırıldı. 3 ğailä aşığıç räweştä toraq şartın yaxşırtırğa mäcbür bulğan, 56 fatirnı - yäş ğailä aldı. Şunı da äytergä kiräk, ipoteka buyınça yort tözüdä qatnaşqan qazanlılar belän berrättän Kärim Tinçurin isemendäge teatr xezmätkärlärenä häm artistlarına da öleş çıqtı.

Gölnaz Şäyxetdin

XS
SM
MD
LG