Accessibility links

Кайнар хәбәр

Tatarstan yäşlären äfyun qullanuğa tikşerdelär


Älege tikşerüne ministrlar kabinetınıñ narkomaniä belän köräş bülege mäğärif ministrlığı belän berlektä oyıştırğan ide. Proyektnı tormışqa aşıru öçen 650 meñ sumlıq tikşerü testları alınğan. Häm bıyılnıñ may-iyün aylarında Tatarstandağı 700dän artıq uquçı häm meñ yarım Qazan studentı äf'yun qullanu-qullanmawğa tikşerelgän. Näticädä uquçılar arasında ber keşe, ber hönäri mäktäp uqçısı häm ike student narkotik qullana bulıp çıqtı. Bu xaqta äf'yun qullanuğa häm anıñ zakonsız äyläneşenä qarşı Tatarstan iminlek şurasınıñ tarmakara komissiäse utırışında äytelde. Ämma älege tikşerüne teläge bulğan yäşlär genä ütte. Qalğannarı isä çittä qaldı. Şuña kürä çınlıqta mäktäplärdä häm vuzlarda niçä narkoman barlığı bilgesez bulıp qaldı. Älege tikşerü xaqında Qazan narkologiä dispanserı psixologı Al'bina Dawletbayıwa menä närsä äytte:

Narkotik qullanğan yäşlär mondıy tikşerügä üz teläge belän barmıy inde älbättä. Şunıñ öçen älege tikşerülärne ütkärer aldınnan yäşlärne psixologik yaqtan äzerläw kiräk. Alar belän söyläşergä, testnı ütärgä künderergä kiräk. Qurıqmasınnar, kübese rizalaşsınnar.

Şulay da mondıy çaralarnı, tikşerülärne oyıştıru ul inde zur eş. Äle kiläçäktä anı tağın da cäyelderep cibärergä cıyınalar. Kiläse yılğa älege testnı respublikadağı 28 meñ uquçı häm student uzaçaq.

2005 yılda Tatarstanda meñ keşegä 20 narkoman isäplängän. Soñğı öç yılda älege kürsätkeç biş protsentqa artqan. Soñğı yıllarda respublikada narkomaniä taraluğa qarşı torğan sistema buldırıldı. Ämma anıñ tağın da effektiv eşläwe kiräk. Bu maqsatlardan respublika byudjetınnan 136 million sum aqça bülengän. Tarmakara komissiä utırışında qatnaşqan Tatarstan premyer-ministrı - mädäniät ministrı Zilä Wälieva - bez alğa taba älege programmanıñ nindi näticälär birüe turında söyläşergä häm anda totılğan här tien üzen aqlarğa tieş dip belderde.

Al'bina Zäynulla

XS
SM
MD
LG