Accessibility links

шимбә, 10 декабрь 2016, Казан вакыты 09:56

Çallıda talaw häm urlawlar arta


Tatarstan militsiäse käräzle telefonnarnı urlawlarğa qarşı köräş aksiäsen 10 yüldä başlağan ide. Bu - käräzle telefonnarnı urlaşularnıñ kisken artuı, şunıñ belän militsiä xezmätkärläreneñ eş kürsätkeçläre naçarayu belän dä bäyle. Şuşı uñaydan Çallı eçke eşlär idäräseneñ cinayätçelärne ezläw bülege başlığı Rifqat Şämgunov 17 yüldä jurnalistlar belän oçraştı häm bügenge ğomumi wäzğıät belän tanıştırdı. Anıñ äytüençä, käräzle telefonnarnı tönlä dä, köndez dä, fatirdan, kibettä, uramda, transportta h.b urınnarda urlaw küreneşläre arta. Uzğan yılnıñ yartı yılında, mäsälän, Çallıda 1650 käräzle telefon urlansa, bıyıl 2760. Şuşı oçraqlarnıñ 90% anda urlanğan häm talanğan telefonnarnıñ xucaları üzläre ğäyeple ikän. Yäğni, kemder tiz genä şaltıratu öçen telefon sorap tora, tegese birä, alıp torğanı tiz arada yuqqa çığa, telefon belän bergä, älbättä. Bazar häm kibetlärdä dä açıq awızlar citärlek ikän, näticädä, militsiä şuşı urlawlarğa zur köç cälep itärgä mäcbür. Ber naçarnıñ ber yaxşısı bula, digän şikelle, bıyıl Çallıda fatir talawlar sanı kimegän. Cinayätçelärne ezläw bülege başlığı Rifqat Şämgunov bu uñaydan mondıy farazda tora : fatir basular, anda talanğan televizor yäki suıtqıçlarnı kütärep yörü bik mäşäqätle.Ä menä şırpı qabı qädär genä telefonnarnı urlaw artıq qıyın tügel häm cinayätçelär şuşı käsepkä küçkännär. Şuşısı da bar - telefonnarın urlatuçılarnıñ 30% iserek yegetlär häm qızlar. Urlanğan äyberlärne taksi şiferları aldın-artın uylamıyça ğına satıp alalar ikän. Şulay da, käräzle telefonnarnı xucalarına qaytarıp birü kompaniäsendä barlıq urlanğan tovarnı 80%ın tabarğa wäğdä birälär. Matbuğat konferensiäsendä başqa cinayätçelär buyınça da sannar kiterelde. Barlıq cinayätçelär 2005 yılnıñ berençe yartısında 5,5 meñ bulsa, bıyıl 8,5 meñgä citkän. Ayıruça awır cinayätçelär sanı 32, talawlar 48%qa artqan. Ä menä üterülär uzğan yıl 32 bulsa, bıyıl 25. Şämgunov, häm törle cinayätlärne açuda yärdäm kürsätkän keşelärgä aqçalata yäki äyberlätä büläk büläq birelüen dä äytte. Ber berläşmäneñ direktorı Qostinnı üterüdä açıqlıq kertüçelärgä militsiä 10 million sum aqça wäğdä itä. Büläkläw xaqında Şämgunov süzläre :

Qızğanıçqa qarşı, yärdäm itärgä teläüçelär sanı bik az. Yuğisä, bez alarğa büläklär dä birer idek, kiräk bulsa gäzittä, televizorda maqtap söylär idek. Ägär keşe qurqa ikän. başqalar belmäslek itep militsiägä çaqırıp, aqça yäki könküreş cihazı biräbez.

Cinayätçelärne ezläw bülege başlığı Rifqat Şämgunov fikerlären işettegez.

Ğafiulla Ğaziz, Çallı

XS
SM
MD
LG