Accessibility links

шимбә, 3 декабрь 2016, Казан вакыты 16:52

İzrail Libannı bombalawın däwam itä


Ayırım alğanda Bäyrut tiräsen häm portnı utqa totqanda kim digändä 20 keşe üterelgän, şul isäptän Libannıñ 8 xärbie. Bäyrutta kim digändä 50 keşe yaralanğan. “Hizbulla” suğışçıları İzrailneñ Xayfa şähärenä raketalar atqan. Ber rakera 3 qatlı toraq yortqa eläkkän. Yort cimerelgän. Ülüçelärneñ küpme ikänlege turında älegä xäbär yuq.

İran häm Süriä Libannan İzrailne utqa totuçı “Hizbulla” suğışçılarına teläktäşlek belderä. Tähranda çığış yasap, İran prezidentı Mäxmüt Äxmädinicat: "Ägär İzrail basıp kerüen tuqtatmasa, bu töbäktäge böten illärneñ açuın qabartaçaq, häm şartlaw şikelle bulıp İzrailneñ üzenä dä qağılaçaq” - dide. İran tışqı eşlär ministrı Manuçir Mottaqi Süriä citäkçelege belän söyläşer öçen Dämäşqqa kilgäç, prezident Bäşär Äsädqa İran başlığı xatın tapşırdı. Bu xatta “basıp alu yanağan oçraqta Tähran Dämäşqqa yärdäm wäğdä itä” dielä.

Rusiä üz watandaşların Yaqın Könçığıştan çığara başladı. Bügen Mäskäwdän Ammanğa Ğädättän tış xällär ministrlığınıñ oçqıçı kitte. Ul Fälästin cirlärennän avtobuslarda İordania başqalasına kiterelgän rusiälelärne alıp qaytaçaq. Şulay uq Libannan da Rusiä watandaşların çığaru öçen äzerlek eşläre başlandı.

XS
SM
MD
LG