Accessibility links

җомга, 9 декабрь 2016, Казан вакыты 20:24

Omski merı xisap tottı


Comğa könne Omski şähär xakimiäteneñ çirattağı küçmä utırışı ütte. Şähärneñ Lenin okrugında uzdırılğan älege utırışta mer Viktor Şreyder kiñ cämäğätçelek aldında yıllıq xisap belän çığış yasadı. Äytergä kiräk, 2005-nçe yılnıñ mart ayınnan eşli başlağan yaña citäkçeneñ “xalıqqa” berençe çığuı tügel. Şähärneñ törle okruglarında küçmä utırışlar inde ütkärelgän ide.

Başqalarınnan ayırma bularaq bu utırışqa ictimaği oyışmalar, şul isäptän tatar milli-mädäni moxtariäte dä çaqırıldı. Utırışta qatnaşqan milli oyışmalar wäkilläre şähär başlığınıñ eşennän qänäğät buluların belderdelär. Tatar moxtariäte äğzası Raziä apa Mäcitova fikerençä, yaña mernıñ eşçänlege tatar oyışmaları öçen dä sizelerlek.

Moxtariätneñ utırışta qatnaşqan başqa äğzaları da, iğtibar arttı, ämma problemalar yuq tügel,- dip äyttelär. Mäsälän, tatar moxtariäte urnaşqan binanıñ yazmışı äle dä xäl itelmägän. Döres, şähärneñ küçemsez milege bulğan bu binağa tatarlarnıñ ixtıyçları ni däräcädä buluın öyränü buyınça şähär xakimiäte tarafınnan maxsus komissiä tözelgän häm bügenge köndä tikşerü eşläre bara. İyül azağında komissiäneñ qararı çığarılırğa tieş.

Qabat utırışqa qaytqanda, xalıq aldında xisap totu da, küçmä utırışlar ütkärü dä meriä eşendä yaña ber alım bulıp tora. Xisap utırışında Omski merı Viktor Şreyder şähär xakimiäte eşçänlegeneñ prioritet yünäleşlären bilgeläde, byudjetnıñ, investitsion häm sotsial säyäsätneñ möhim kürsätkeçlären yañğırattı.

Şähär şurası qararı buyınça, kiläçäktä mernıñ xalıq aldında xisap totuı yıllıq traditsiä bulıp qalaçaq. Meriäneñ yıllıq eşçänlege turında bu räweştä xisap totu şähärneñ yañadan redaksiälängän Ustavına da kertelgän.

XS
SM
MD
LG