Accessibility links

сишәмбе, 6 декабрь 2016, Казан вакыты 17:16

Bıyıl Tatarstan yuğarı uqu yortlarına çittäge 170 yäş millättäşebez qabul iteläçäk


Bıyıl Tatarstan yuğarı uqu yortlarında BDB illärennän häm Rusiä töbäklärennän 200гә yaqın tatar yäşläre belem ala başlayaçaq. Tatarstan Xökümäte alar öçen kvotalar buldırğan. Yäş millättäşlärebezne uqırğa kertü belän Bötendönya tatar kongressı Başqarma komitetı şöğellänä. Yıl sayın tatar oyışmalarına xatlar cibärelä. Tatar kongressınıñ çit il tatarları belän eşläw bülege citäkçese Röstäm Ğaynetdinov

Bıyıl da 273 bala Tatarstanğa uqırğa kerergä teläk belderde.. Şunıñ 60ы çit il häm BDB illärendäge studentlar inde uqırğa kerde. Monnan tış Rusiä töbäklärendäge millättäşlärebezgä 110 urın birelde. Alar xäzer imtixannar tapşıra. Barlığı 170 keşe bulaçaq.

Yul bäyäse qimmät bulu säbäple, BDB illärendäge millättäşlärebez Qazanğa kilergä awırlıq kiçerä ide. Şul nisbättän Tatarstannıñ Mäğärif häm fän ministrlığı qararı buyınça respublikada Vuzara komissiä oyıştırıldı. Anda 15тән artıq äğza, ayırım alğanda uqıtuçılar kerä. Älege 3 komissiä Qırğızstan, Qazaxstan, Azerbaycan häm Üzbäkstan uquçıları arasında sınawlar uzdırıp qaytqannar. Barlığı 80гә yaqın yäş millättäşebez qatnaşqan. 10 fän buyınça imtixannar, testlar tapşırğan alar. Röstäm Ğaynetdinov

Bezneñ komissiälä Qazaxstan, Qırğızstan häm Äzerbäycanda bulıp imtixannar uzdırdı häm alarnıñ näticäläre Tatarstanda yasaldı. Şunıñ näticäsendä 60 keşe uqırğa qabul itelde. Rusiä töbäklärennän kilgännär imtixannar tapşıra. Ägär elek KDUğa kübräk kerergä teläuçe bulsa, bıyıl Qazan finans-iqtisad institutın küp saylıylar. Anda 2 urınğa 56 bala, şulay uq Älmät neft' institutına 12 urınğa 78 bala kerergä teläk beldergän.

Anıñ belderüençä kiläse yılda Tatarstannan çittäge yäşlärne qabul itü tärtibe beraz üzgäräçäk. Respublika ministrlıykları häm migratsiä xezmäteneñ sorawı nigezendä kübräk injenerlar äzerläwgä basım yasalaçaq, şulay uq kongress üteneçe istä totılıp etnomädäniät belgeçleklären äzerläwgä kvotalar kübräk soralaçaq.

Bügenge köndä çittäge millättäşlärebezneñ tatar tele, tarixı, mädäniäte belän bäyle bulğan belgeçleklärne az saylıy. Röstäm Ğaynetdinov

Monıñ ike säbäbe bar. Berençedän, alar tatar telen öyränmi. İkençe säbäp, sistema quyarğa kiräk – ber yıl alar monda kilep äzerlek kursların uzarğa tieş tatar tele buyınça.

Kongress wäkile bıyıl tatar yäşläreneñ äzerlekläre yuğarıraq buluın da bilgeläp uzdı. Bu BDB illärendä uzğan imtixannar waqıtında bilgelängän.

Landış Xarrasova

XS
SM
MD
LG