Accessibility links

шимбә, 3 декабрь 2016, Казан вакыты 22:57

Rusiä İslam universitetı dini belem biräçäk


Rusiä islam universitetı tiräsendäge ığı-zığılar beraz tına töşkäç, älege uqu yortı häm anıñ kiläçäkkä plannarı da beraz açıqlana başladı. Şuşı arada ğına İslam universitetına qağılışlı berniçä qızıqlı yañalıq bilgele buldı. Şularnıñ iñ möhime – bu uqu yortı dini belem birergä röxsät itkän litsenziä alğan. Şuşı xaqta tulıraq mäğlümät alır öçen bez Rusiä İslam universitetı rektorı İldus Zahidullinğa möräcäğät ittek.

Bez tağın ber yılğa dini yünäleştä belem birüne alıp barırğa röxsät qäğäzen aldıq. Xäzer bez elekkege formatta, elekkege uqu plannarı, mondağı uqıtuçılar belän eşebezne däwam itä alaçaqbız. Şul uq waqıtta, bez II, III kurslarda uquçı dini belem aluçı şäkertlärgä dönyawi belemne dä birä başlıybız

Bilgele bulğança, Rusiä İslam universitetınıñ citäkçese alışınğaç, anda dini belem birelmi başlayaçaq ikän dip, yaña Qazan islam universitetı oyıştırılaçaq, digän belderülär yasalğan ide. Ul buldırılaçaqmı, Qazan islam universitetı nindi räweştä oyıştırılaçaq? İldus Zahidullinnıñ añlatmaları.

Qazan islam universitetı ul äle oyışıp citmäde. Anıñ oyıştırıluınıñ töp säbäbe- RİUnıñ qör’än häm şäriğät fännäre fakul’tetların saqlap, şunda küçerep, yaña şäkertlärne qabul itüne oyıştıru ide. Bez litsenziä alğaç, anıñ kiräge qalmadı. Bez şuşı yünäleştä eşne üzebez däwam itäçäkbez. Qazan islam universitetın oyıştıru ul Rusiä möftilär Şurası häm Tatarstan Diniä näzaräte citäkçelege qaramağında. Alarğa bezneñ uqu yortınıñ dini belem birergä röxsät qäğäzen alu turında min inde xäbär ittem

Bu Rusiä İslam universitetı rektorı İldus Zahidullinnıñ añlatmaları buldı.

Gölnaz İlgizär

XS
SM
MD
LG