Accessibility links

чәршәмбе, 7 декабрь 2016, Казан вакыты 21:32

İzrailneñ Libannı bombalawı däwam itä


Çärşämbe kim digändä 50 keşe üterelgän. İlneñ könyağına “Xizbulla”nıñ tuplanğan urınnarın tabu häm yuq itü öçen tanklar häm boralaqlar belän cir öste ğaskärläre kertelgän. “Xizbulla” törkemnäre häm İzrail ğaskärläre arasında qatı suğışlar bara. “Xizbulla” Libannan qabat İzrailneñ Xayfa şähären utqa totqan. Ber keşe ciñelçä yaralanğan digän xäbärlär bar.

İzrail xärbiläre çärşämbe könne timer tışlanğan xärbi texnika yärdämenä Ğaza sızığınıñ üzäktäge rayonnarına kerde. Atışlar waqıtında kim digändä altı qorallı suğışçı üterelgän. İzrailneñ biş xärbie yaralanğan.

İerusalimda Yewropa Berlegeneñ tışqı säyäsät başlığı Javier Solana belän oçraşqaç, İzrailneñ tışqı eşlär ministrı Sipi Livni: “İzrail üz watandaşlarınıñ iminlegen saqlaw öçen suğışa. İzrail terror häm näfrät küçärennän çıqqan yanawnı beterü öçen suğışa. Min Xizbulla, Xämas, Süriä häm İran turında äytäm. İzrail libanlılar häm izrailelär östennän Xizbulla xäkimlegen beterü öçen, böten töbäkne totrıqsızlandırırğa telägän ğısyançılarğa qarşı suğışa”, - dide.

XS
SM
MD
LG