Accessibility links

җомга, 9 декабрь 2016, Казан вакыты 20:30

Timoşenko blogı Yanukoviçnı premyer ministr itep bilgeläwgä qarşı


Ukraina prezidentı Viktor Yüşçenko pänceşämbe könne “Töbäklär firqası” başlığı Viktor Yanukoviç belän ildäge säyäsi wäzğiät turında söyläşte. Yanukoviçnı parlamenttağı küpçelek premyer ministr urınına täqdim itkän ide. Yüşçenko belän oçraşu tämamlanğaç, Yanukoviç: “Prezident premyer nämzäten raslaw öçen şuşı arada parlamentqa täqdim itäçäk”,- dide. Yanukoviç äytüençä, Yuğarı Radanı taratu turında soraw quyarğa da kiräkmi. Ukraina prezidentı bu oçraşudan soñ bernindi dä belderülär yasamadı. Yulia Timoşenko blogı Yanukoviçnı premyer ministr itep bilgeläwgä qarşı. “Bäysez häm irekle Ukraina qurqınıç astında. Minem uylawımça, premyer ministr Yanukoviç häm parlamenttağı kommunist- cinayätçelär Ukrainanıñ kiläçäge tügel ikänlegen añlağan, ildäge xälne añlağan keşelär milli bayraq astında cıyılırğa tieş”, - dide Timoşenko. Pänceşämbe Timoşenko fraksiase tulısınça Yuğarı Radanı taşlap çığıp kitte. Ministrlar qabinetı 25 yülgä qädär buldırılmasa, prezident parlamentnı taratırğa mömkin.

XS
SM
MD
LG