Accessibility links

чәршәмбе, 7 декабрь 2016, Казан вакыты 00:47

Çallılar Zidannı qotlıylar


Fransiä cıyılma komandası futbolçısı Zinadin Zidan häm İtaliä uyınçısı Materatssinıñ final uyınında üz-üzlären totışları buyınça 20 yüldä maxsus komissiä utırışı buldı. Biredä Zidannıñ, 2006 yılğı dönya berençelegendä iñ yaxşı uyınçı digän iseme saqlanıp qaldı. Şuşı uñaydan, Çallınıñ milli xäräkät oyışmaları wäkilläre häm citäkçelär dön'yaküläm tanılğan Zidanğa qotlaw telegramması cibärdelär. Anıñ eçtälege mondıy :

Şuşı isemgä häm "Altın tup"qa layıq buluığız belän sez böten dönya möselmannarın söyenderdegez. Sez, Möxämmät Ali, Jak Kusto, İmam Şamil, Mansur Şäyex kebek, keşelek tarixına öleş kerttegez. Bezne şulay uq, Mäkkägä Xaj qılırğa barırğa cıyınuığız da quandırdı. Matbuğat çaraları xäbär itüençä, Almaniädä uzğan berençelektän soñ sez futboldan kitärgä cıyınasız. Läkin bez sineñ futboldan kitüeñne telämibez. Sez äle Aljir häm Fransiä xalıqları xäterendä ozaq saqlanırsız.

Çallıdan Zinadin Zidan isemenä cibärelgän şuşı telegrammağa aqsaqallar şurasınnan Gäbdelbari Zinurov, tatar uqıtuçıları assotsiatsiäse räise Färit Räximov, Milli şura räise Azat Ähliullin, "Möslimä" gäzite baş möxärrire Älmirä İdiätullina,Tatar ictimaği üzäge räise Räfis Kaşapov imza quyğannar. Xäzer inde, telegrammanıñ Zinadin Zidanğa barıp ireşüen, tatarlar qotlawına nindi dä bulsa mönäsäbäten belergä genä qala.

Ğafiulla Ğaziz, Çallı

XS
SM
MD
LG