Accessibility links

якшәмбе, 11 декабрь 2016, Казан вакыты 16:55

Bush: “Xizbulla Liban däwläteneñ dustı tügel”


Washington. Quşma Ştatlar prezidentı George Bush radío aşa atnalıq möräcäğätendä, İzrail-Liban nizağı öçen Xizbulla, Süriä häm İran ğäyeple, dide. "Min Yaqın Könçığışqa AQŞ däwlät sekretare Condoleezza Ricenı, yaqındağı könnärdä, bu töbäktäge illärneñ başlıqları belän oçraşsın öçen, cibärdem. Terror törkemnärenä häm alarğa yärdäm itüçe däwlätlärgä qarşı çaralar kürmiçä köç qullanunı beterep bulmıy. Küp eıllar buyı Süriä Xizbulanıñ töp ximayaçese buldı. Ul İranda citeşterelgän qoral belän anı tämin itüdä yärdäm itte. İran küptän inde xalıqara cämäğätçelek fikerenä qolaq salmıy. Terrorçılarğa bulışa häm atom-töş tikşerenülären däwam itä. Andağı bu xällär böten Yaqın Könçığışqa qurqınıç tudıra. Bezne şulay uq Libandağı yaña demokratiä ayaqqa basqan çaqta tuğan nizağ ta borçıy. Xäzer böten Liban xalqı öçen bik awır waqıt. Xizbullanıñ ğädäte üzeneñ raketaların ğadi xalıq yäşägän urınnarğa yäşerü häm alarnıñ maqsatı demokratik saylanğan Liban xökümäteneñ däräcäsen töşerü dälilläp tora - Xizbulla Liban däwläteneñ dustı tügel ikänlekne,- dide Quşma Ştatlar prezidentı George Bush.

XS
SM
MD
LG