Mäskäw. Rusiä başqalasındağı Xökümät yortı yanında tözeleş şirkätlärenä fatirlı bulu öçen aqçaların birgännärneñ uram cıyını ütte. Bu çarada qatnaşuçılar aqçaların kire qaytarunı taläp itä. Alar äytüençä, barsı da fatir öçen bäyäneñ ber öleşen tülägännär. Ämma tözeleş şirkätläre, törle säbäplär tabıp, qanunnı bozıp, kileşülärne özgän. Azatlıq radíosı xäbärçese, uram cıyınına Mäskäwdän, Rostov-Donnan, Tübän Novğorodtan, Smolenskidan häm Rusiäneñ başqa şähärlärennän 300-gä yaqın keşe cıyılğan, dip xäbär itä.
