Accessibility links

Кайнар хәбәр

Qıtaynıñ Qılca şähärendä uzğan Saban tuyında 400 keşe qatnaşqan


Sabantuy Qıtayda 13- nçe tapqır uza. Millättäşlärebez yanına bıyıl Tatarstannıñ Yazuçılar Berlege räise, şağir İlfaq İbrahimov, cırçı Röstäm Zakirov häm Bötendönya tatar kongressı Başqarma komitetınıñ eşlär belän idärä itüçe Miläwşä Ğomärova barğannar. Qılcada 500дән artıq millättäşebez yäşi. Bu şähärdä qazaqlar häm uyğurlar küp bulu säbäple, alar belän dustanä mönäsäbättä ğömer kiçerälär ikän.

Sabantuy şähär urtasında urnaşqan bik matur urında - zur parkta oyıştırılğan. Yazuçılar Berlege räise İlfaq İbrahimov

Ğailälär-ğailälär belän bergäläp utırdılar. Uyğurlar häm qazaqlar da bar ide. 400лә keşe cıyıldı barlığı

İlfaq İbrahimov belderüençä Sabantuynı Qılсada yäşäwçe aqsaqal Möxämmät Ğäli açıp cibärep, Qıtayda milli bäyräm ütkärelüeneñ tarixın söylägän. İlfaq İbrahimov Tatarstan Prezidentınıñ qotlaw süzlären, Miläwşä Ğomärova Bötendönya tatar kongressı Başqarma komitetı räise Rinat Zakirovnıñ sälamläu süzlären citkergännär. Monnan tış Qılca şähäre xakimiäteneñ mädäniät eşläre buyınça cawaplı wäkile qotlağan. Sabantuyda köräş häm at çabışlarınnan tış barlıq uyınnar da uzdırılğan, millättäşlärebezgä Tatarstan wäkilläre çığışları ayıruça oşağan. İlfaq İbrahimov

Min şhigıyr'lär uqıdım, bik şaqqatıp tıñladılar. Röstäm Zakirovnı qat-qat cırlattılar. Üzläre dä bezneñ belän cırladılar, uyın qorallarında uynadılar.

Sabantuyda Qıtaydağı tatar cämğiäteneñ aktiv wäkilläre, ayırım alğanda İl'yar Gabitov, Tursuntay Gäliev, Ğayzatulla Xäsänovkä kongress isemennän räxmät xatları häm büläklär tapşırılğan. Qıtayda millättäşlärebezneñ kübese däräcäle urınnarda eşlilär ikän. Aralarında xirurglar da, cirle üzidarädä eşläwçelär dä bar. Qıtaylarnıñ millättäşlärebezgä mönäsäbäte turında İlfaq İbrahimov

Qıtayda 53 millät wäkile yäşi, 52нче urında – tatarlar. Ägär qıtaylarğa -1, uyğurlarğa – 2 bala tabarğa yarasa, tatarlarğa 3 bala tabu mömkin.

İlfaq İbrahimov Tursuntay digän millättäşebezneñ öyenä qıtaylarnıñ qızıqsınıp ekskursiägä kilüläre turında äytte. Mul tormışta ğömer kiçerälär. Härberseneñ maşinaları bar ikän. Tuylarnı, bäyrämnärne bergä uzdıralar. Şul uq waqıtta alar internet aşa Tatarstandağı barlıq yañalıqlarnı da belep toralar ikän.

Landış Xarrasova

XS
SM
MD
LG