Accessibility links

дүшәмбе, 5 декабрь 2016, Казан вакыты 15:38

Açıq mikrofon: araqınıñ betüe qıyınlıq tudırdımı?


İnde dürtençe atna Rusiädä alkogol' eçemleklärgä qıtlıq küzätelä. Tatarstanda da şul uq xäl. Şähärlärdä genä tügel, awıllarda da araqı xäzer defitsit tovarğa äylängän. Qayber zur kibetlärdä genä äle araqını oçratırğa bula. Ämma anıñ bäyäse ike, xätta öç tapqırğa artqan. Keçkenä kibetlär isä inde küptän alkogol' eçemleklärne satudan tuqtağan. Şulay da soñğı könnärdä kibet kiştälärendä çit il şäräpläre kürenä başladı. İñ berençelärdän bulıp alman şäräpläre kilde. Bu könnärdä genä kibettä bolğar şäräbe, Pskov häm başqa şähärlärdän araqı da kiterelde. Ämma alarnıñ bäyäläre berniçä tapqırğa artıp kitkän. Ğomumän äytkändä, alkogol' problemasınıñ oçı-qırıyı äle kürenmi. Qazanlılar öçen kibetlärdä araqı betü qıyınlıq tudırdımı? Xalıq fikeren tıñlıyq:

-Minem öçen bu problema tügel. Min araqı eçmim. Kon'yak qına eçäm. Anıñ bäyäse dä artqan.

-Kibettä araqını qarap yörmim min. Yuq, bu ğomumän eçmim digän süz tügel äle. Bäyrämnärdä eçäbez inde!

-Araqı betü awıl öçen bik naçar küreneş inde. Çönki araqısız anda berni eşläp bulmıy. Berkemne eşlätep bulmıy. Awıl öçen naçar inde bu.

Kemder öçen problema, ä kemder bälki bu mäs’älägä sälämät yäşäw öçen ber forsat bularaq qarağandır. Sälämätlege bolay da qaqşalğan bügenge zaman keşese öçen araqı bik zur zıyan kiterä. Şuşı xaqta Tatarstan möselman tabipları assotsiatsiäse räise Qamıl Zaripov söyli:

Araqı häm başqa alkogol' eçemleklär - alar böten äşäkeleklärneñ anası! Anı qullanğaç, keşe normal' psixologik xäläten yuğalta. Häm näticädä näfesen tıya almıy. Ä sälämätlekne saqlaw öçen näfesne tıyarğa kiräk!

Tarqalğan ğailälär, yätim balalar, yuqqa çıqqan meñlägän keşelär - araqınıñ ayanıçlı näticäse.

Al'bina Zäynulla

XS
SM
MD
LG