Accessibility links

чәршәмбе, 7 декабрь 2016, Казан вакыты 00:48

Piterbur xalqı Sigezlek sammitı turında


Sammit yabıluğa ber atna waqıt ütep tä kitte, ämma şähär äle haman sammit belän yäşi, eşlärgä analiz,yomğaq yasıy. Bu waqiğanı şik şöbhä belän kötsälär dä, barı da tınıç qına ütep kitte diärgä bula. Antiglobalistlarnıñ meñ yarım keşelek "Rusiä sotsial'' forumı" isemle cıyının häm Newa prospektın yabarğa mataşunı isäpkä almağanda. Şähärneñ häm il başlıqlarınıñ xäwefsezlegen 5 meñ xärbi, Xärbi diñgez flotı spetsnazınıñ yözüçeläre, xärbi aviatsiä, 3меңнән artıq militsiä xezmätkäre tä''min itte. Sammit 10 milliard sumnan artığraqqa töşkän: 9 öleşe byudjettan, 1 öleşen isemnäre älegä bilgesez iğänäçelär birgän.Bu möhim waqiğanı 4 meñ jurnalist yaqtırtıp torğan. 8 il başlıqları Peterburg sammitın tarixta iñ yaxşısı dip tapqan.

Şähär gubernatorı Valentina Matvienko üzeneñ televidenie aşa çığışında qunaqçıqlığı, sabırlığı, situatsiäne döres añlawı öçen xalıqqa räxmäten belderde, sammitnıñ oyıştırıluına, näticäsenä yuğarı bäyä birde: sammitnıñ Rusiä öçen dä, Peterburg öçen dä yaña mömkinçeleklär açuına şigem yuq dide gubernator. Berençe xanımnarnıñ tügäräk östäle genä dä ni tora: alar demografiä, belem birü, komp''yuter, internet häm sälämätlek problemaların, berençe çiratta äni bularaq, üz balaları misalında qarağannar.

Analitiklar da sammitnı bötendönya säyäsäteneñ yuğarı noqtası dip taba, oyıştıru däräcäse yuğarı bulğanlığına basım yasıy, ayıruça militsiä xezmätkärläreneñ häm Rusiä-Finlyandiä çige saqçılarınıñ oyışqanlığı, wazıyfaların cirenä citkerep, tögäl ütäwe, ixtiramlı buluın bilgeli. Bu könnärdä dä ğädäti tormış belän yäşi aluı öçen şähär alarğa burıçlı. Ğadäti digännän, Amerika prezidentı Dcordc Buş xätta Peterburg buylap velosipedta yörergä teläk beldergän, ämma aña andıy progulka kergän maxsus programmanı sammittan soñ eşlärgä wäğdä itkännär. Şulay itep älegä Buş velosipedta Strel''nada ğına yöri alğan.

Sammit könnärendä Peterburgta bulğan Başqortstan qunağı Lena xanım tä''soratları belän büleşä (audio: qomaçawlıq sizmädem, militsionerlar küp bulsa da, tuqtatıp dokument tikşerüçe bulmadı. Kavkaz xalıqların tuqtatqaladılar. Min cäyäw yörergä yaratam, tik Vasiliy utrawınnan ğına yörergä turı kilde, çönki küperlär kütärelgän ide. Xalıq uramda az buldı, sammitnı televizordan qarap bardıq, bik qızıq buldı. Buşnıñ bezne VTOğa alırğa telämäwe genä oxşamadı).

Sammit vakıtında şähärne bizäp torğan törle atributlar cıyıp quyıldı, ämma ozaqqa tügel:

15-17 sentäberdä Tavriçeskiy Sarayda tağın ber sammit kötelä. Bu yulı 8 ilneñ parlament başlıqları cıyılaçaq. Anda qaralaçaq töp problemalar da älegeseneñ däwamı bulaçaq ikän.

XS
SM
MD
LG