Qaysı ğına ilne alma, anıñ kiläçäge yäşlärdän, alarnıñ belem däräcäsennän, ildäge belem birü sistemasınıñ kamillegennän tora. Bu xaqta süz sammit waqıtında da quzğatılğan ide. Berençe xanımnarnıñ tügäräk östäle dä belem birügä bağışlanğan ide.
Peterburgnıñ isä elektän ük "belem birü üzäge" digän danı bar.Härxäldä monda här unınçı keşe student, yäğni yartı millionlap keşe, şularnıñ yöz meñe çit şähärlärdän.
Äytergä kiräk, Peterburg urta häm yuğarı uqu yortları bıyıl da populyarlığın yuğaltmağan. Yuğarı uqu yortlarına bıyıl 90 meñgä yaqın ğariza birelgän ide, şularnıñ 40 protsentı çit şähärlärdän. Yuğarı belem alırğa teläweçlärneñ kübese qızlar, alar abiturientlarnıñ 58 protsentın täşkil itä ide.
Şulay da ütkän yıllar belän çağıştırğanda abiturientlar sanı bıyıl berqädär kimräk. Läkin belgeçlär monı üzgärtep qoru başlanğaç kilep çıqqan demografik töşü belän añlatalar. Kiläse 5 yılda vuzlarda, bälki, konkurs ta qalmas digän fiker dä bar. Çönki, xäteregezdä bulsa, 90 yıllarda tuğan balalar uqırğa kergäç, mäktäplärdä ğädättäge öç, dürt sıynıf urınına köç xäl belän ber sıynıf qına cıya idelär.
Ä älegä Peterburg studentı bulırğa teläweçlärgä şaqtıy zur konkursta qatnaşırğa turı kilä. -är yıldağıça iñ zur konkurs Teatr Akademiäsendä: ber urınğa 25 keşe buldı. İcat belän bäyle başqa uqu yortlarında 6, 8 keşe.Soñğı yıllarda populyarlığın yuğaltqan yurist, iktisadçı hönärläre belän qızıqsınu da bıyıl arta töşkän. İktisad digännän, reytingı iñ yuğarılardan bulğan İnjekonğa, anıñ teläsä nindi fakul''tetınıñ byudjet bülegenä bıyıl da Beslan balaları öçen yul açıq buldı.
Soñğı yıllarda çit il studentları öçen Peterburg - ocmax bulmasa da,biredä belem alırğa etläwçelär baytaq; 2 meñläp.
