Accessibility links

якшәмбе, 4 декабрь 2016, Казан вакыты 19:18

AQŞ däwlät sekretare Condoleezza Rice Bäyrutqa kilde


Bu säfäre anıñ aldan planlaştırılmağan ide. Ul anda Liban citäkçelege belän töbäktäge nizağnı cayğa salu turında söyläşä. Aldan Rice İzrailgä genä barırğa tieş bulğan. Yewropa Berlegeneñ tışqı säyäsät başlığı Javier Solana, Yewropa Berlege Berläşkän Millätlär Oyışması belän bergä İzrail-Liban nizağın cayğa salu maqsatında xalıqara iminlek köçläre niçek bulırğa tieşlekne öyränä, dip belderde. “Bu ciñel genä bulmayaçaq. Bez uzğan çärşämbedän birle bu köçlärneñ tözeleşe östendä eşlibez. Alar Berläşkän Millätlär Oyışmasınıñ İminlek Şurası fatixası belän eş itergä tieş. Yewropa Berlegendäge küp illärneñ yärdäm itäçägenä ışanam”,- dide Solana. Ul Bäyrutta, parlamenttağı küpçelekneñ başlığı bulğan Saad Xariri belän söyläşkäç, xalıqara iminlek köçläreneñ qayda urnaşaçağı häm kem mandatınnan bulaçağı turında äytergä irtäräk, dide.

XS
SM
MD
LG