Bıl turala fajiğä urınında eşlägän militsia xeźmätkärźäre xäbär itte. İşembay rayonınıñ Yañı Äptek awılı yanındağı avariala ber yulı tuğıź keşe häläk bulğaynı. Eske eştär ministrlığınıñ matbuğat xeźmätenän xäbär itewźärensä, VAZ 2106 häm VAZ 2107 maşinaları bäreleşendä zıyan kürgän tağı la ber passajir Stärletamaq qalahı dawaxanahına oźatılğan. Unıñ nindäy xäldä ikäne turahında älegä mäğlümättär yuq. Yul xäräkäte imenlege däwlät inspeksiahı xeźmätkärźäre İşembay rayonında maxsus operasia iğlan itte. Olo yuldarğa maxsus postar quyılğan. Stärletamaq yulında ZİL avtomaşinahı tuqtatıla. Ağas teyägän maşina voditele iźerek bula. Ul inspektorźar horawźarına la yawap birä almağan. Respublika eske eştär ministrı Rafael Diwayev bınday operasialarźı barlıq respublika buyınsa ütkärew käräklegen bildäläy. Unıñ hüźźärenä qarağanda, yuldarźağı xäl köndän-kön qatmarlaşa bara.
Diwayev şulay uq Öfölä respublika prezidentın haylawźar osoronda bulğan teraqttı tikşerew barışı turahında la xäbär itte. Ul yenäyät asıqlandı häm tiźźän mäxkämägä tapşırılasaq tine.
2003 yılda respublika prezidentın haylawźar waqıtında Öfölä ber maşinala şartlatqıs tabılğaynı, ikense maşina şartlap ber keşe häläk bulğaynı.
