Accessibility links

дүшәмбе, 5 декабрь 2016, Казан вакыты 07:30

İzrail-Xizbulla nizağı: xronologiä


12 yül: Hizbulla İzrailneñ ike xärbien totıq itep ala, çik buyında kimendä 8 keşene ülä.

13 yül: İzrail Bäyrut xalıqara hawa alanın utqa tota, Liban diñgez portlarına kerü yulların yaba.

14 yül: Hizbulla İzrailgä cawap utı qaytara, İzrailneñ xärbi köymäsenä höcüm itä, 4 xärbi hälaq bula.

15 yül: Liban premyer-ministrı Foat Siniora xalıqara cämäğätçelekkä yärdäm sorap möräcäğät itä, köç qullanunı tuqtatırğa çaqıra. İzrailneñ raketa höcümendä könyäk Libanda 20 keşe hälaq bula.

16 yül: Hizbulla İzrailneñ Xayfa şähärenä raketalar ata, 8 keşe hälaq bula. İzrail premerı Ehut Olmert bu çaralarnıñ näticäse bik yaman bulaçaq, dip belderä.

17 yül: Britania premyerı Tony Blair häm BMO general sekretare Kofi Annan Libanğa iminlek köçläre kertergä çaqıra. AQŞ häm İzrail täkdimne kire qağa.

19 yül: İzrail köçläre Xizbullağa xöcüm itä, ike xärbi hälaq bula.

21 yül: İzrail çik buyındağı Liban xalqın öylärennän kitergä öndi häm 3 meñgä yaqın keşene xärbi xezmätkä çaqırta. Libanda hälaq buluçılar sanı 280 gä citä.

23 yül: İzrail xärbi hawa höcümnären däwam itä, Hizbulla Hayfağa raqetalar ata. BMO räsmie ike yaqnı da humanítar qanunnı bozuda gäyepli. İzrail Könyäk Libanğa xalıqara ğaskär kertergä rizalıq birä.

24 yül: AQŞ däwlät sekretare Condoleezza Rice Bäyrutta Liban premyerı Siniora belän oçraşa. Libanda ülüçelär sanı 380 nnän arta, kimendä 600 meñ keşe öylärennän kitergä mäcbür bula. İzraildä ülüçelär sanı 40 qa yaqın, alarnıñ 17 se tınıç xalıq. 650 meñ izraille öylärennän çığıp kitä.
XS
SM
MD
LG