İzrail ğäskärläre tanklar häm oçqıçlar yärdämendä Xizbullanıñ töp tuplanu urını bulğan Binat-Cibeyl awılın qulğa töşerergä tırışa. Bu awıl Libannıñ könyağında.
Azatlıq radiosı xäbärçese, Xizbulla suğışçıları yuğaltular kiçerä, ämma alarnıñ töp köçe älegä sındırılmağan, dip belderä. İzrail yağınnan dürt xärbi yaralanğan.
İzrailneñ xärbi oçqıçları Xizbullanıñ Tir şähärendäge raketalar ata torğan 15 urınnı häm Libannıñ böten cirendäge Xizbulla qorılmaların bombalağan. Ğadi xalıq arasında da hälak buluçılar bar.
Xizbulla suğışçıları İzrailneñ tönyağın utqa tottı. Azatlıq radiosı xäbärçese belderüençä, Xayfada 10 keşe yaralanğan.
