Accessibility links

шимбә, 3 декабрь 2016, Казан вакыты 01:38

Gruziä belän Abxaziä arasında kierenkelek arta


Abxaziä xakimiate Kodor tarlawığına taba Gruziäneñ xärbi maşinalar qärwanı bara dip belderä. Bu xäbärne Rusiäneñ andağı iminlek köçläre dä raslağan. Gruziä yağı älegä bernindi dä añlatmalar birmägän. Abxaziäneñ tışqı eşlär ministrlığı BMO general sekretare Kofi Annannan häm Rusiäneñ tışqı eşlär ministrı Sergey Lavrovtan Tbilisinı ğäyepläwne soradı. Gruziä prezidentınıñ Kodor tarlawığındağı elekke wäkile Emzar Kvitsiani düşämbe könne gruzin xakimiatlärenä buysınmawın häm ul citäkçelek itkän qarşılıq törkemen qoralsızlandırırğa cıyınmawın belderde. Rusiäneñ tışqı eşlär ministrlığı matbuğat wäkile Mixail Qamınin Mäskäwdä jurnalistlar belän oçraşuda soñğı xällärgä borçılu belderde. “Bez bu xälgä bik borçılabız. Gruzin yağın Kodor tarlawığında qoral qullanudan tıyılıp torırğa çaqırabız. Bu xäl Rusiä belän çiktäş töbäktä yaña nizağ kiterep çığarırğa mömkin”, - dide Kamınin.

XS
SM
MD
LG