Äxmät Zakayevqa yaña ğäyepläw belderelä

Rusiäneñ baş prokuraturası “millät ara näfrät uyatu” matdäsendä Çeçen qarşılığı wäkile Äxmät Zakayevqa qarşı yaña cinayät eşe quzğattı. Prokuratura belderüendä, ike ay eçendä Zakayev “millätçel süzlär belän” berniçä äñgämä birde, dielä.

Zakayev Britaniädä tora. Aña säyäsi sıyınu birelgän. Mäskäw Zakayevnı “terrorda” ğäyepläp birülären sorap Londonğa möräcäğät itte. Ämma uñay cawap almadı.