Accessibility links

чәршәмбе, 7 декабрь 2016, Казан вакыты 13:49

Kodor tarlawığında atışlar bara


Kodor tarlawığınıñ Ajar awılı yanında Gruziä ğaskärläre häm Emzar Kvitsiani yaqlılar arasında atışlar bara. Berniçä säğät elek Gruziä xakimiate prezidentnıñ Kodor taralawığındağı elekke wäkile Enzar Kvitsiani häm anıñ yaqlılarğa ultimätum iğlan itkän ide. Gruziä eçke eşlär ministrı Vano Merabişvili Kvitsianigä, birelü öçen, berniçä säğät waqıt birde.

Ämma Kvitsiani rizalaşmadı. Urındağı mäğlämat çığanaqları xäbärenä qarağanda Kvitsianinıñ qorsağı yaralanğan. Aldağı atışlar waqıtında gruziäneñ 4 xärbie yaralanğan bulğan. Kvitsiani yağında yaralanuçılarnıñ sanı 50-gä yaqın. Hälak buluçılar da bar.

Kvitsiani üzeneñ törkemen qoralsızlandırudan baş tartqaç Kodor tarlawığındağı xäl kiskenläşte. Kodor tarlawığındağı Rusiäneñ iminlek köçläreneñ qaraşı turında saqlanu ministrı Sergey İvanov Räzändağı matbuğat oçraşuında: “Bezneñ iminlek saqçılarınıñ 106-nçı häm 107-nçe ike noqtası çükeç belän sandal arasında qalğan şikelle. Alar nindi genä oçraqta da qarşılıqtağı barlıq yaqlar da imzalağan mandat nigezendä tögäl eş itäçäklär”, - dide. Abxaziä dä üz ğaskälären Kodorğa taba alıp kilä başlağan. “Ägär dä Gruziä ğaskärläre bezneñ küzätüdäge Abxaziä çigenä taba kilsä, bu citdi nizağnıñ berençe öleşe bulaçaq. Abxaziä çigeneñ 1 genä metrı bozılğan oçraqta da bez kem genä bulmasın aña ataçaqbız”,- dide üzbilgelängän respublikanıñ prezidentı Sergey Bagapş.

XS
SM
MD
LG