Rusiä xökümäte sorawı buyınça berniçä ay tuqtap torğannan soñ benzinğa bäyälär yañadan kütärelä başladı. Şuşı könnärdä genä xalıqta iñ populyar bulğan A-92 markalı benzinnıñ litrına 50 tiengä kübräk ala başladılar. Keşelär bu xaqta ni uylıy, alar älege bäyä kütärelüne sizdeme? Bügen bez qazanlılardan şuşı turıda soraşırğa buldıq.
Bernişläp tä bulmıy kütärälär inde anı, bezdän sorap tormıylar inde anı. Bu bit bazar mönäsäbätlärennän kilä. Ägär dä keşe yaxşı xezmät xaqı alsa, ul anı sizmäs ide. Ber qarasañ şulay bulırğa da tieş ul, min anı üzem añlıym.
Qıybat bik yıraqqa yörep bulmıy. Bik kiräk bulğanda ğına maşina belän çığabız.
Cilgä qarşı baruı awır. Närsä äytsälär, şul bula inde. Kiräk bulğaç yöriseñ inde, ägär dä bik qıybatlansa gazga küçärgä kiräk bulır dip uylıym.
Maşinabız bulmağaç bez benzin turında qayğırmıybız.
Bäyä kütärelgängä härwaqıt qarşı bez, xezmät xaqı bit kütärelmi bit.
Minem maşinam yuq, läkin benzin qıybatlanğaç, başqa törle tawarlarnıñ da bäyäläre artaçaq. Şunıñ öçen miña oşamıy ul.
Benzin bäyäse kütärügä min qarşı, çönki ul kütärelgäç xäzer böten aşaw- eçü, transportqa bäyä tağın artaçaq. Xalıq öçen bu bik uñay küreneş tügel.
Gölnaz Şäyxetdin
