Rusiäneñ Gazprom şirkäte Venesuela belän andağı tabiği gaz ölkäsen üsterü turında kileşü tözegän. Gazprom bügen yasağan belderüdä, kileşügä 27 yül könne, prezident Hugo Çaveznıñ Rusiä ilbaşı Vladimir Putin belän bulğan oçraşuı waqıtında qul quyıldı, dip xäbär itte.
Bügen Venesuela prezidentı İranğa kilde häm Venesuela, ni genä bulmasın, İrannı yaqlayaçaq, dip belderde. İke il dä AQŞtan daimi basım astında yäşi. Çaveznıñ İrandağı söyläşüläre – neft, gaz, investisiälär, banklar, fän häm texnoligiä tiräsendä bulır, dip kötelä. İrtägä ike il arasında neft häm ximiä ölkäsendä xezmättäşlek turında kileşügä qul quyu qaralğan.
