Accessibility links

Кайнар хәбәр

Qazan wäkilläre Volgogradta tatar yäşläre forumında


Volgogradtağı tatar yäşläre forumında barlığı 45 keşe bulğan. Alar Sarıtaw, Qazan, Mari İleneñ Voljski şähäre häm Volgogradtan bulğannar. Töbäktäge berençe tatar yäşläre forumın nigezdä 3 keşe oyıştırğan -

Volgograd tatar milli-mädäni moxtäriäte räise urınbasarı İl'yas İsxaqov, tatar yäşläre oyışması citäkçese Zöhrä Xuciäxmätova häm anıñ abıysı Damir.

Qazannan barlığı 8 keşe barğan. Alarnıñ barısı da Qazan däwlät universitetı qarşındağı “Acağan” teatr studiäsennän. Älege yäşlär yazın Volgogradqa barıp spektakl' quyıp qaytqannar ide. Şunda Volgograd yäşläre belän elemtälär urnaşqan. “Acağan” teatr studiäse wäkile, Qazan däwlät universitetınıñ jurnalistika bülegendä uquçı El'mira Ğarifullina

Bezne anda bik cılı qarşı aldılar. Ğomumän qazanlılarnı bik ixtiram itälär. Bez turbazada İdel buyında urnaştıq.

Qazandağı tatar yäşlärenä yul xaqın Bötendönya tatar kongressı Başqarma komitetı qaplağan. Turbaza öçen dä yäşlär üzläre tülägännär. Aşarğa üzläre peşergännär. Läkin bu bezne berläşterde genä di acağanlılar.

Sömbel Wälullina

Anda qatnaş nikax probleması, İslamdağı mäs’äläläre qaraldı. Çittäge yäşlär qatnaş nikaxlarğa qarşı bulıp çıqtılar. Siriädä uqıp qaytqan Damir Xuciäxmätov fikerläre belän urtaqlaştı. Annarı bezneñ biyuçe Läysän Töxvätullina master-klass birde tatar 'iyue buyınça. Köne buyı tatar muzıkası yañğıradı. Alar tatar köräşen belmilär. Üzlärençä sölgelär cäyep köräş uzdırdılar.

3 könlek tatar yäşläre forumında sport yarışları oyıştırılğan, ğomumän kübräk küñel açu çaralarına östenlek birelgän. Törle diskussiälär bulğan. Yäş millättäşlärebez tatarlıqnı saqlap qalu turında fiker alışqan. Kübese anı ğailädän kilergä tieş dip bilgeläp uzğan.

Landış Xarrasova

XS
SM
MD
LG