Başqortstan tatarları milli-mädäni möxtäriäte binası qarşında, qapqa töbendä ikençe ber qarşılıq çarası bara. Anı Rusiä pensionerları firqäseneñ Başqortstan bülekçäse oyıştırğan. Eş şunda, uzğan atna “Komsomol'skaya pravda” gäziteneñ Başqortstan quşımtasında “Xalıq” investitsiä-çek fondı häm vawçerlar belän yanğan aqçalar öçen fondnı oyıştıruçı Rämil Bignov 3 000 sum aqça tarataçaq dip yazılğan ide. Pensionerlar şul aqçanı taläp itep palatka şähärçegendä qarşılıq aksiäse uzdıra. Rämil Bignov isä monı üzeneñ abruyın töşerü öçen oyıştırılğan çara dip prokuraturağa möräcäğät itkän. Anıñ süzlärençä gäzittä fondnı oyıştırğan dip yazılğan. “Yunivers” şirkate 1995 nçe yılda, “Xalıq” fondı isä 1993 nçe yılda uq tözelgän bulğan. Bignov prokuratura “Xalıq” investitsiä-çek fondı eşen tikşerep anıñ näticälären xalıqqa citkerüne sorıy.
