Accessibility links

чәршәмбе, 7 декабрь 2016, Казан вакыты 13:39

Kwitsiani Gruziä ğaskärlärenä qarşı köräşne däwam itäçäk


Gruziä Kodor tarlawığınıñ öske öleşenä östämä xärbi köçlär cibärgän. Bu xaqta Abxaziä xakimiatläre xäbär itä. Bu xäbärne Rusiäneñ tınıçlıq köçläre dä rasladı. Gruziäneñ mäğlümat çığanaqları Abxaziä belän Kodor tarlawığı çigendä polisiäneñ tikşerep ütkärü noqtaları qorıla dip xäbär itä. Räsmi Tiflis bu xäbärlärgä añlatma birmäde. Gruziä prezidentınıñ Kodor tarlawığındağı elekke wäkile Emzar Kwitsiani xökümät ğaskärlärenä qarşı köräşne däwam itäçägen belderde. Kwitsiani belän bulğan äñgämäne Gruziäneñ “İmedi” telekompaniase kürsätkän. Azatlıq radiosı xäbärçese, yazma Kodor tarlawığında eşlängän, dip belderä. Gruziä yağı elek Kwitsiani Suxumda, yäki Mäskäwdä yäşerenep tora dip beldergän ide. Tiflis, Abxaziä ğaskärläre yäkşämbe Kodor tarlawığındağı gruzin awılları tiräsenä atqan, dip tä belderä. Zıyan kürüçelär turında xäbär itelmi.

XS
SM
MD
LG