Accessibility links

якшәмбе, 4 декабрь 2016, Казан вакыты 23:28

Artqan pensiä yäşäw räweşen yaxşırtırlıqmı?


1 aцgusttan Rusiädä pensiälär 6,2 protsentqa arta. Bu turıda 2006 yılnıñ 28 yülendä çıqqan Rusiä xökümäteneñ qararı bar. Älege qararnıñ eçtälege turında Rusiä pensiä wäqıfınıñ Tatarstan bülekçäse baş belgeçe Rafail Ğiniätullin Azatlıq radiosına pensiäneñ tik straxovka öleşe genä arta dip belderde.

Xezmät pensiäläre 2002 yıldan ul ike öleşkä bülenep bilgelänä başlağan ide. Anıñ baza öleşe bar häm straxovka öleşe bar. Baza öleşe däwlät birä torğan töp öleş dip atala. Ä menä 2006 yılnıñ 1 avgustınnan pensiäneñ şuşı baza öleşe, yäğni däwlät birä torğan töp öleşe artmıy. Ä straxovka öleşeneñ küpmegä artuı turında Rusiä pensiä wäqıfınıñ Tatarstan bülegendä pensiä bilgeläw belgeçe Rämilä Yosıpova söyli

Dimäk, pensiälär , ildäge urtaça xezmät xaqı artuın häm bäyälär üsüen küzdä totıp Rusiädä pensiäneñ straxovka öleşe artıp toraçaq.

İndeksatsiä yasağannan soñ pensiäneñ urtaça küläme 2722, 16 tiengä citep, qayber keşelär öçen 87 sum 27 tiengä qädär artsa, qayber keşelär öçen ul 93,90 tiengä artaçaq.

Sez Rämilä Yosıpovanı tıñladığız.

Älegä pensiäneñ töp öleşe 1035,9 sum bulsa, 80 yäştän artqan keşelär öçen bu töp öleş ikelätä bula, yäğni 2070 sum bula.

Pensiä aqçası 2006 yılnıñ aprelendä artqan ide.

Bu pensiä aqçasınıñ berniçä distä sumğa artuı pensionerlarğa niqädär şatlıq wä yärdäm bulıp tora soñ? Pensionerlar üzläre söyli

- Pensiäneñ bu qädär az külämgä artuına şatlanıp bulmıy . 2700 sum pensiä alam , bik küp kvartirğa tülärgä kiräk. Menä 500 sum alıp çıqtım kibetkä barırğa dip, ul citä meni? Äle yanımda onığım da bar. Başqa berni dä äytmim.

- Pensiäneñ zur öleşe kvartirğa , kommunal'' tüläwlär öçen kerep betä. İpilek, sötlek, çäylek kenä qala. Pensionerlarnı ülemgä etärdelär inde.

Aprel''dä arttırğan pensiäneñ xaqı da şul tirädäräk ide. Böten närsäneñ xaqı bik qıymmät. Pensiäne bu külämdä genä kütärü , bügenge yäşäyeş räweşenä turı kilmi.

Ä respublika buyınça pensiä aluçılar sanı 984 meñgä yaqın. Alar arasınnan 934 meñe xezmät pensiäse aluçılar. Menä şuşı xezmät pensiäse aluçılarnıñ pensiäläreneñ straxovka öleşe artaçaq inde. Bu arttıru respublika öçen 82,563 meñ sumğa töşäçäk.

Mälikä Basıyr

XS
SM
MD
LG