Accessibility links

дүшәмбе, 5 декабрь 2016, Казан вакыты 07:29

Podpolkovnik seksual qıyırsıtuda ğäyeplänä


Bu könnärdä Vaxitov rayonı mäxkämäse qazan metropolitenınıñ militsiä bülegeneñ elekke citäkçesenä qarar çığardı. Podpolkovnik Fidail Xäbibullin xezmät itü urınında aqça urlawda häm seksual' xarakterdağı qıyırsıtularda ğayıplänä.

Qazan metrosınıñ militsiä bülegen Fidail Xäbibullin 2004 yıldan citäklägän bulğan, dip yaza “Kommersant” gäzite. Tikşerülär kürsätkänçä, 2005нең may-sentäber aylarında Xäbibullin üz xezmättäşläre bulğan - öç xatın qıznı seksual' mönäsäbätlärgä kerergä mäcbür itkän. Eş buyınça çaqırtqan bulıp naçal'nik alarğa şundıy täqdimnär yasağan bulğan. Ämma ber xezmättäşe dä Xäbibullin belän intim mönäsäbätkä kerergä rizalaşmağan. Citäkçe üzen bik qırıs totqan, ber xatın-qıznıñ tänendä cäräxätlär qalğan äle dä. Dekaber ayında bu xatınnar Tatarstannıñ transport prokuraturasına ğariza yazğan. Şul uq waqıtta prokuraturağa Fidail Xäbibullinnı ğayıpläp tağın berniçä ğariza kiterelgän. Ul metro militsiäseneñ başqa xezmätkärlärennän ide. Alar podpolkovnik Xäbibullinnı aqça urlawda ğayıpli. Citäkçe xezmätkärlärgä Qazan eçke eşlär idäräsennän birelgän 40 meñ sumlıq premiä aqçasın urlağan dip bara alar. Fidail äfändeneñ bu ğämälläre öçen cinayät eşen quzğatala. Anı wazıyfasınnan alalar.

Barlıq mäxkämä utırışları da yabıq rejimda ütä. Şul isäptä mäxämä qararına da protsessta qatnaşuçılardan başqa berkemne dä kertmilär. Älbättä, advokat mäxkämägä iptäş Xäbibullinnı fäqät uñay yaqtan açarğa tırışa. Anıñ süzlärençä, podpolkovnik eçke eşlär ministrlıysında 1986 yıldan xezmät itä häm anda ul däräcäle xezmätkär sanala. Maqtawlı xezmäte öçen ul küp kenä däwlät büläklären alğan. Bu Xäbibullin advokatınıñ süzläre. Fidail äfände üze bernindi ğayıben dä tanımıy.

Näticädä mäxkämä ğayıplänüçene aqladı. Ämma aqça talaw mäs’äläsendä genä. Bu isbatlanmağan digän säbäp belän. Şulay da xatın-qızlarğa bäylänüe öçen Xäbibullin ğayıple dip tabıldı. Läkin aña barıber caza birelmäde. Çönki mäxkämä qararı aldınnan ğına älege xatınnar yañadan mäxkämägä ğariza kitergän. Alar citäkçeläreneñ moral' zıyanğa kompensatsiä birüen häm anıñ belän duslaşuı xaqında äytkän.

Däwlät ğayıpläwçese Maksim Gavrilov isä mäxkämä qararı belän riza bulmağan. Ul qarnı üzgärtergä taläp itep yuğarıraq sudqa şikäyät yazarğa cıyına. Maksim Gavrilov Xäbibullinnı 8 yılğa irektän mäxrüm itärgä kiräk dip sanıy.

Al'bina Zäynulla

XS
SM
MD
LG