Accessibility links

шимбә, 10 декабрь 2016, Казан вакыты 21:31

İran BMO tikşerüennän qänäğät tügel


İrannıñ tışqı eşlär ministrı Manuçer Motaqki düşämbe könne Bäyrutta Liban citäkçelege belän oçraştı. Bu oçraşuda süz İzrail- Liban nizağı turında bardı. İran Libannıñ könyäğında İzrail ğaskärlärenä qarşılıq kürsätüçe Xizbullanıñ töp ximayaçese bulıp tora. Motaqki BMO İminlek şurasınıñ Libandağı xälne tikşerü näticälärenä rizasızlıq belderde.

“Bez İzrail agressiase waqıtında soñğı öç atna eçendä BMO İminlek şurasınıñ Liban xalqına teläktäşlek beldermäwenä borçıldıq”,- dide İrannıñ tışqı eşlär ministrı. Motaqki şulay uq Bäyrutta Fransianeñ tışqı eşlär ministrı Filipp Dust-Blazi belän dä oçraştı. Dust-Blazi Xizbullağa yaqın torğan Liban säyäsätçeläre belän söyläşülär alıp bara.

XS
SM
MD
LG