İrannıñ qädimi ruxanıylardan torğan bağuçılar şurası başlığı, İzrailgä qarşı köräşüçe Xizbullağa yärdäm itü bügenge wäzğeyättä härber möselmannıñ burıçı, dide. Ayatulla Äxmät Cännäti İrannıñ ber mäğlümat agentlığına birgän äñgämädä, möselmannar Xizbullağa qoral, azıq-tölek, medisina kiräk- yaraqları häm şulay uq finans belän dä yärdäm itergä tieş, dip belderde. Räsmi Tähran Xizbullağa aqçalata häm qoral belän yärdäm itäsez digän ğäyepläwlärne älegä xätle kire qaqtı.
