İsegezgä töşeräbez, soñı ike-öç yılda Respublikada 50 läp keşe, terroristik oyışmada toruda ğäyeplänep qulğa alındı, alarnıñ 23 törmälärgä utırtıldı. Qalğannarı, bernindi dä naçar ğämäl qılmağannar dip aqlandılar. Qulğa alınuçılarnıñ kübese Çallıdan. Ä 3 iyündä başlanğan häm bu könnärdä tögällänäçäk, 5 keşe östennän bulğan mäxkämä şuşı tegelärneñ däwamı ul. 50 keşene qulğa alğanda, bu biş yegetkä 18 tulmağan bulğan. Yäğni alar, baliğ bulmağannar. Şuña kürä, 18 tulğaç qına, alar östennän mäxkämä eşe başlandı. Ğäyepläwçelär, alarnı İslam cämäğäte dip atalğan oyışmada toruda ğäyeplilär. Häm, alar İmde-Ural buylarında terror yasarğa cıyınğannar dip baralar. Ayırım alğanda , Qazan 100 yıllığı könnärendä Qazanda şartlawlar oyıştırırğa niätlägännär, ä kiläçäktä isä, Qazan, Tübän Qama, Çallı şähärlärendäge ere şirkätlärdä şartlawlar oyıştırırğa niät totqannar dip bara. Monnan tış, Başqortstannıñ Beloret rayonında alar tawlar arasında xärbi lagerlarda oyıştırıp mataşqannar ikän. Ä xoquq yaqlawçılar häm millätçelär, alar arasında tanılğan yazuçı häm cämäğät eşleklese Fäwziä Bäyrämova da, Aydar Xälim dä bar, bu mäxkämä eşe uylap çığarılğan dip baralar. Äytelgänçä, mäxkämä näticäläre pänceşämbedä bilgele bula.
Räfis Cämdixan
