Uzğan töndä İzrail desantçıları boralaqlar belän Baalbäk qalasına kilep töşep, şundağı xastaxanädä däwalanıp yatqan Hizbollanıñ 5 suğışçısın alıp kitkän. Operatsiä barışında distädän artıq keşe häläk bulğan dielä, İzrail yağında qorbannar yuq. Hizbolla yağı älege xisapnı raslamıy.
Borıñğı Baalbäk qalası İzrail-Leban çigennän 100 çaqırım çaması tönyaqqa urnaşqan. Dimäk, äytelgännär xaq bulsa, bu İzrailneñ soñğı 3 atnada Lebanğa iñ tirän ütep kerüe digän süz.
İzrail üz höcümnären 3 atna elek 2 İzrail keşeseneñ Hizbolla tarafınnan qulğa alınuına cawap itep başlağan ide. Qayber mäglümätlärgä qarağanda, bäreleşlär näticäsendä qorbannar sanı Lebanda 7 yözgä citkän, İzraildä - 50 çaması.
Sişämbedä Europa Berlege tışqı eşlär ministrları Lebannı da, İzrailne dä bäreleşlärne kiçekmästän tuqtatırğa çaqırdı. Quşma Ştatlar däwlät sekretare Condoleezza Rice solıx berniçä könnän ireşelergä mömkin digän ömeten äytte:
"Ägär bez ciñ sızğanıp kereşsäk, solıx bu atnada uq ixtimal. Härxäldä bez atnalar tügel, könnär dip söyläşäbez. Köç qullanunı tuqtatırğa waqıt" di AQŞ däwlät sekretare.
Ämmä çärşämbedä İzrail premier-ministrı Yäxüd Olmert Hizbollağa qarşı höcümnär töbäkkä xalıqara köçlär kilgänçegä qädär däwam itäçäk dip belderde.
Bu köçlärneñ qayçan kiläse äle dä bilgesez. BMO räsmiläre bu mäsäläne atnakiç tikşerergä cıyına.
Ul arada Olmert süzlärençä, 3 atna eçendä İzrail armiäse Hizbollağa inde şaqtıy zur zıyan kiterep ölgergän:
"İzrailneñ xärbi ğämälläre näticäsendä Hizbollağa şaqtıy zur zıyan kiterelde. Bu alarda qalğan raketalar sanı belän genä isäplänmi. Törkemneñ infrastrukturası tar-mar itelde. 700dän artıq nığıtması, idarä üzäkläre yuqqa çığarıldı" di İzrail premierı.
Yäxüd Olmert şuşı süzlären söylägän arada İzrailgä raketa yañğırı qoya tordı. Ber kön eçendä genä Hizbolla İzrailgä 100dän artıq raketasın cibärde. Berse şaqtıy eşkä ütep kerep, çik buyınnan 70 çaqırım çaması urnaşqan Beit Şean awılına kilep töşkän. Ber keşe häläk bulğan, distälägäne yaralanğan.
ali ğilmi
Borıñğı Baalbäk qalası İzrail-Leban çigennän 100 çaqırım çaması tönyaqqa urnaşqan. Dimäk, äytelgännär xaq bulsa, bu İzrailneñ soñğı 3 atnada Lebanğa iñ tirän ütep kerüe digän süz.
İzrail üz höcümnären 3 atna elek 2 İzrail keşeseneñ Hizbolla tarafınnan qulğa alınuına cawap itep başlağan ide. Qayber mäglümätlärgä qarağanda, bäreleşlär näticäsendä qorbannar sanı Lebanda 7 yözgä citkän, İzraildä - 50 çaması.
Sişämbedä Europa Berlege tışqı eşlär ministrları Lebannı da, İzrailne dä bäreleşlärne kiçekmästän tuqtatırğa çaqırdı. Quşma Ştatlar däwlät sekretare Condoleezza Rice solıx berniçä könnän ireşelergä mömkin digän ömeten äytte:
"Ägär bez ciñ sızğanıp kereşsäk, solıx bu atnada uq ixtimal. Härxäldä bez atnalar tügel, könnär dip söyläşäbez. Köç qullanunı tuqtatırğa waqıt" di AQŞ däwlät sekretare.
Ämmä çärşämbedä İzrail premier-ministrı Yäxüd Olmert Hizbollağa qarşı höcümnär töbäkkä xalıqara köçlär kilgänçegä qädär däwam itäçäk dip belderde.
Bu köçlärneñ qayçan kiläse äle dä bilgesez. BMO räsmiläre bu mäsäläne atnakiç tikşerergä cıyına.
Ul arada Olmert süzlärençä, 3 atna eçendä İzrail armiäse Hizbollağa inde şaqtıy zur zıyan kiterep ölgergän:
"İzrailneñ xärbi ğämälläre näticäsendä Hizbollağa şaqtıy zur zıyan kiterelde. Bu alarda qalğan raketalar sanı belän genä isäplänmi. Törkemneñ infrastrukturası tar-mar itelde. 700dän artıq nığıtması, idarä üzäkläre yuqqa çığarıldı" di İzrail premierı.
Yäxüd Olmert şuşı süzlären söylägän arada İzrailgä raketa yañğırı qoya tordı. Ber kön eçendä genä Hizbolla İzrailgä 100dän artıq raketasın cibärde. Berse şaqtıy eşkä ütep kerep, çik buyınnan 70 çaqırım çaması urnaşqan Beit Şean awılına kilep töşkän. Ber keşe häläk bulğan, distälägäne yaralanğan.
ali ğilmi