Accessibility links

якшәмбе, 4 декабрь 2016, Казан вакыты 11:13

Libanda bäreleşlär däwam itä


İzrail premer-ministrı Yaxüt Olmert, töbäkkä xalıqara tınıçlıq köçläre kilgänçe Libandağı xärbi operasia däwam itäçäk, dip qabat belderde. İzrailneñ tışqı eşlär ministrı Sipi Livni bolay dide: “İzrail, BMO İminlek şurasınıñ 1559 nçı rezolusiasendä äytelgän maqsatlarğa ireşü öçen, xalıqara cämäğätçelek belän eşlärgä äzer. Bu Xizbullanı qoralsızlandıru häm ilneñ böten cirendä Libannıñ suwerenlığın buldıru öçen Liban xökümätenä bulışu”. Sişämbe Xizbulla İzrailneñ tönyäğına qabat raqetalardan attı. Azatlıq radíosı xäbär itkänçä, ber keşe üterelgän, distälärçä keşe yaralanğan.

Aldanraq İzrail ğaskärläre Libannıñ Baabäk awılı yanında xärbi operasia ütkärde. İzrailneñ xärbi citäkçelege başlığı Dan Xalus bolay dide: “Bez Baälbäk tiräsendäge Beqäa üzänendä xärbi operasia ütkärdek. Anda Xizbullanıñ täemin itü üzäge urnaşqan. Häm qayber başlıqlar yäşi. Bu operasiagä maxsus xärbi büleklär qatnaştı. Alarnıñ maqsatı Xizbullanıñ berniçä äğzasın qulğa alu ide”. Süriä çigennän yıraq bulmağan küperlär dä bombalanğan.

XS
SM
MD
LG