Accessibility links

чәршәмбе, 7 декабрь 2016, Казан вакыты 19:37

Qazandağı berdänber möselman balalar cäyläwegendä soñğı smena başlandı


“Söläyman” mäçete qarşındağı balalarnıñ möselman cäyläwege-lagere inde 6 yıl eşläp kilä. Yıldan-yıl anda kilergä tezläwçe balalar, döresräge narasıyların şul cäyläwekkä birergä tezläwçe ata-analarnıñ sanı arta. 10-15 yäşleklär qabul itelä. Bıyılğı cäyläwek iyün ayında başlanğan ide. Berençe smenada 40тан artıq ir bala yal itsä, ikençe smenada şul uq sanda qızlar bulğan. Xäzer, yäğni soñğı 3нче smenağa tağın ir balalar qabul itelgän. Bu xaqta “Söläyman” mäçete imamı İldar Bayazitov

Lager'ğa kilüçelär Mäskäw, Ul'yan, Mari İle, Tatarstannıñ Täteş, Bua, Arça rayonnarınnan. Urın tar bulu säbäple, 40тан artıq balanı qabul itä almıybız. Kem berençe birä ğarizanı şularnı alabız.

İldar Bayazitov äytüençä här smena 20 köngä isäplängän. Soñğısı 20 avgustqa qädär däwam itäçäk. Cäyläwekkä 4-5 yıl rättän kilüçelär dä bar ikän. Mäskäw möftieneñ balaları da bıyıl şuşında yal itkän.

Cäyläwek turında kübese televizordan häm internet aşa belep kilüen äytte İldar Bayazitov. Balalar cıyu turında ayırım iğlannar birelmi. “Söläyman” mäçeteneñ üzeneñ saytı da bar.

Cäyläwektä balalar öçen törle yarışlar oyıştırıla – mäsälän räsem yasaw, matur itep azan äytü häm başqalar. İldar Bayazitov

20 kön buyına äxlaq, fixk däreslären öyränälär, futbol uynıylar. Häm törle-törle yarışlar uza.

Rusiädän kilep tatar telen belmägän balalar öçen ana tele uqıtıla ikän. Şulay uq cäyläwektä İslam dinen qabul itkän rus balaları da yal itä. Tatarstannıñ Tübän Qama, Çallı şähärlärendäge möselman cäyläwekläre belän dä tanışabız dip äytte İldar Bayazitov. Bilgele bulğança, soñğı yıllarda Tübän Novgorod, Mordoviä, sSrıytau häm Rusiäneñ tağın qayber töbäklärendä möselman cäyläwekläre oyıştı. Läkin alar belän äle elemtälär tözelmägän ikän.

Balalarnı cäyläwektä könenä 4 tapqır aşatalar. Barlıq aqça çığımnarı ata analar häm iğänäçelär xisabınnan.

Landış Xarrasova

XS
SM
MD
LG