Accessibility links

сишәмбе, 6 декабрь 2016, Казан вакыты 08:49

Abdus Salam – аtaqlı möselman ğalime


Ataqlı diplomat häm iqtisatçı Yoldız Xäliullinnıñ kitabın täqdim itüdä barlığı 12läp keşe bar ide. Qızıqsınu şul däräcädä buluı monnan kürenä inde. Ä inde älege oçraşuğa kilüçelär Yoldız Xäliullinnıñ qaharmanı, ul başqarğan dahi eşläre belän çın küñeldän tanıştı häm ğorurlk xisläre kiçerde. Çönki anda süz mäşhür möselman ğalime, Nobel premiäse lawreatı Abdus Salam xaqında bardı. Ataqlı fizik, London universitetı professorı atom töş kisäkçäläreneñ üzara bäyläneş qanunnarın öyränüçe bularaq dönya fänenä bilgele. Abdus Salam İtaliädäge teoretik fizika Xalıqara fänni üzägeneñ oyıştırıp, anı 30 yıl citäklägän keşe. Bügen älege fänni üzäk Abdus Salam isemen yörtä häm anıñ aşa dönyanıñ 100läp ilennän 100 meñ yäş ğalim ütkän.

Diplomat Yoldız Xäliullin ğalimneñ biografiäsen häm fänni mirasın bik tiränten öyränep, kitap çığarğan. Ul Salamnıñ Angliä häm Paqıstanda yäşäwçe yaqın tuğannarın taba alğan, İtaliäneñ Triest şähärendä urnaşqan Xalıqara fänni üzäktä dä bulğan. İndiäneñ Djang şähäre yanındağı ber awılda tuğan möselman ğalimeneñ dön''yaküläm tanıluğa niçek ireşü turında qızıqsındılar kitapnı täqdim itüdä qatnaşuçılar. Bu xaqta avtor Yoldız Xäliullin bolay dide:

Salam möselman ğailäsendä, möselman tärbiäse alıp üskän keşe. Anıñ ğileme, böten tormışı nigezendä Qor''än yata. Ul şundıy imandar keşe bulğan. Üze ğalim bulğan, üze fänni etärgän häm üze fänne etärergä böten dönyanı çaqırğan.

Yoldız Xäliullinnıñ kitabı turında tänqitçe Mansur Väliev menä närsä söyläde:

Abdus Salam - ataqlı ğalim, Nobel'' premiäse lawreatı, fizikadağı açışları belän ul tanılğan Enşteyn, başqa dahilar belän ber rättän tora. Bezneñ möselman dinendä andıy böeklärgä ireşkän şäxeslär küp tügel. Yoldız Xäliullin ğalim turında bik täfsilläp yazğan. Din häm fizikanıñ totaşıp kitüen bik yaxşılap açqan.

Albina Zäynulla

XS
SM
MD
LG