Accessibility links

Кайнар хәбәр

Ukraina berdämlek dokumentın imzaladı


İlneñ üseş yulların bilgelägän dokumentqa prezident Yuçenko häm parlamenttağı barlıq fraksia başlıqları da, Yulia Timoşenko blogınnan qala, imzaların saldı. “Milli Berdämlek Universalında” Ukrain tele däwlät tele, ä NATO ğa kerüne xalıq referendumı xäl itäçäk dielä.

İrtän Yuçenko Töbäklär firkäse başlığı Viktor Yanukoviçnı premer-ministr urınına täqdim itte. Tawış birüneñ qayçan bulası älegä bilgele tügel. Kommunistlar firkäse başlığı Petr Simonenqo aldan tawış birü comğa bulaçaq, digän ide.

Quşma Ştatlarnıñ Kievtağı ilçese William Taylor Waşington Ukrainanıñ demokratik yul belän barlıqqa kilgän yaña xökümäte nindi genä bulmasın, anıñ belän xezmättäşlek itäçäk, dide.

“Kem idarä itäsen barı tik Ukrain xalqı üze genä xäl itä. Ul inde anı marttağı saylawlarda äytte. Yuğarı Rada deputatları bernçä ay buyı törle koalisialär oyıştırdı. Quşma Ştatlar wazğiätkä saq qına, hiç ber tarafqa östenlek birmi genä qarıy”,- dide Taylor.
XS
SM
MD
LG