Accessibility links

пәнҗешәмбе, 8 декабрь 2016, Казан вакыты 19:05

Törek armiäse Tönyaq Ğiraqqa ütep kerä almıy axrı


Yaqın Könçığışta İzrael belän Könyaq Libandağı Xizbulla otredları arasında däwam itkän qorallı bäreleş öç atnanı da uzıp kitte. Liban yağınnan xatın-qız, bala-çağa, qart-qorı baytaq sivil dä xälak buldı.Libanda üle sanı 600-ne İzrael yağında 60-nı aştı. Bu xäl Törek cämağätçelegen bik borçıy. İzarelğa qarata protestlar köçäyä, parlamenttağı İzrael-Törek dustlıq oyışmasınnan bik küp parlament protest belderep ayrıldı. İslam Konferentsiäse Oyışmasınıñ general sekretarı, Tatarlarğa da tanış Prof. Ekmeleddin İhsanoglu İslam illären Fälästin belän Libanğa yardämgä , İzraelgä qarşı berdäm pozitsiä alırğa çaqırdı.

Yaqın Könçığışta mondıy täräqqiätlär bulğanda Törkidä bu atnada idän astı Körd patrtizan oyışması PKK probleması da kön tärtibennän töşmäde. Ankara Bagdatta ğömerlekkä törmägä yabılğan PKK liderı Abdullah Öcalan ismenä ber insitutnıñ açıluwına protest belderde. Törek cämağätçelegendä xärbilär Tönyaq Ğıyraqqa ütep kerep anda urnaşqan 17 PKK bazasın yuq itäçäk mikän digän soraw da kön tärtibennän töşmäde. Ankara “Ğıyraqta PKK-nıñ eşçänlekläre tuqtılmasa Tönyaq Ğıraqqa xärbi köçlär cibäräçäkbez” dip kisätä. Tönyaq Ğıyraqtağı Körd väkilläre dä Ankarağa vizit yasap toralar. Ğıraq Tışqı Eşlär Ministere Hoşyar Zebari Amerikan gazetası ‘The Washington Times’qa birgän intervjusendä PKKnıñ Bagdat, Süleymaniyä häm Erbildäge buroların yabaçaqbız dip beldergän ide. AQŞ ta üz nävbätendä xärbi ber operatsiä rayondağı balansnı bozar dip Törkiäne kisätte. Läkin Ankara şuşı ixtimalnı da küz aldında totuwın yäşermi. Tışqı Eşlär Ministerelege süzçese Namık Tan ber jurnalistnıñ “Törek däwläteneñ PKK-nı tawlardağı aktiflıqların beterü buyınça ber nindi dä planı bar mı?” digän sorawına “Bulsa da bu informatsiäne sezlär belän urataqlaşuwım mömkin tügel. Bolar yäşren aktiflıqlar” dip cavap qaytardı. Ul şulay itep ni yuq, ni dä bar dip äytkän buldı. Körd partiälärennän berenneñ citäkçese häm ber ük waqıtta Ğıraq däwläte prezident vazıyfası ütägän Talabani press konferensiädä “Ğıraq PKK-nıñ üz territorilärenän Törkiägä xöcem itülären buldırmas öçen qulınnan kilgänen eşläyäçäge “ turında belderde häm süzlärenä östäp “bez Kördlär dä AQŞ-ta Törkiä xärbiläreneñ ütep kerüwenä qarşıbız” dide. Inde Talabani AQŞ isemnän dä süz söyli ikän, alar ikese bu mäsälädä kileşkännär digän näticä çığa. AQŞ Tışqı Eşlär Ministerlege süzçese Sean McCormack Ğıraq Törek xökümäte belän bik tığız eşlärgä väğdä itte dip belderde. Ul ayruça Törek xökümäte xärbi operatsiä turında söylämi, barlıq taraflar probelmanı çişärgä telilär dip süzlärenä östäde. Tege yaqtan Premier Erdoğannıñ Malezyadağı İslam Konferentsiäse cıyılışına oçudan elek oçqıçlar maydanında jurnalistlarnıñ törle sorawlarına cawap birgändä PKK turında soralğannarğa zur açuwı kilde. Ul, PKK-ğa qarata xärbi operatsiä bulaçaq mı dign ber sorawğa “bolar watanğa xıyanät itü” bulıp tora dide. Anıñ fikrençä däwlät serläre soralmasqa tiyeş ikän. Asılda anıñ şul xätle açılu buluwına ildä ber närsälärneñ yaxşı kitmäwe säbäpçeder.

Çınnan da Generalştab başlığına Armiä generalı Yaşar Büyükanıtnıñ saylanğan buluwınıñ ğädättägennän elegräk iğlan itelüwe, Orduda 80 meñ arex citeşterüçeneñ protest demonstratsiäläre uzdırıp şose yulın 7-8 säğätkä yabuları, ä inflatsiäneñ dä üsä baruwı bolar hämmäse xökümätneñ qayber närsälärne inde üz kontroläre astından ıçqındırğan buluwına işarä itä. İlneñ kürşesendä qanlı bäreleşlär däwam itkändä Törkiädä här närsäneneñ alda göl kitüwen kötep tä bulmıy.

Äxtäm İbrahim, İstanbul
XS
SM
MD
LG