Accessibility links

җомга, 9 декабрь 2016, Казан вакыты 08:44

Human Rights Watch räsmie Carroll Bogert Qazanda Hizbut-Tahrir turında mäğlümät cıydı


Keşe xoquqların yaqlawçı Human Rights Watch oyışması wäkilen Tatarstan möselmannarı Diniä Näzäräte räise urınbasarı Wäliulla Yaqub qabul itkän. Carroll Bogert Tatarstanğa qädär Seberneñ Surğut, Tubıl, Tübän Varta yaqlarında bulğan. Anda da ul İslam dine mäsälälären, ayırım alğanda İslamdağı törle yünäleşlärne – traditsion bulmağan İslamnı öyrängän. Tatarstannan soñ Carroll Bogert Tönyaq Kavkazğa yul alaçaq. Tatarstan möselmannarı Diniä näzaräte räise urınbasarı Wäliulla Yaqub:

Carroll Bogertsnı Tatarstanda, ğomumän, Rusiädä Xizbud-Tahrir oyışması tarafdarları ezärleklänüe turında mäğlümat cıya. Şulay uq bu könnärdä xökem itelgän İslam cämäğäte törkeme turında süz buldı. Ul xökem waqıtında da qatnaştı. Respublika prokurorında da bulğan. Xoquq saqlawçılar belän dä oçraşqan.

Wäliulla Yaqub belderüençä, keşe xoquqları yaqlaw oyışması wäkile Keroll Bogertnıñ töp maqsatı - Rusiädäge İslam xaläte turında zur xisap äzerläw. Anıñ säfäre şunıñ belän bäyle. Wäliulla Yaqub:

Alar fikerençä Rusiädä däwlät qısu belän şöğellänä. Monıñ belän Rusiä kire mönäsäbätkä ireşä. Mäsälän reklama yasap, täxrirçelär belän xalıq kübräk tanıştılar di alar. Xoquq saqlaw orğannarı artıq basım yasıylar traditsion bulmağan İslam tarafdarlarına.

Oçraşu barışında şulay uq Human Rights Watch keşe xoquqların yaqlaw oyışması citäkçese urınbasarı Carroll Bogert Tatarstan turındağı fikerlären dä äytkän. Wäliulla Yaqub:

Tatarstan da ğına ber urtaqlıq balansı tabılğan. Bezneñ modellne ürnäk itep qabullıy. Çit ildä dä ürnäk bulıp kürsäteläçäk.

Wäliulla Yaqub belderüençä, Carroll Bogertnıñ säfärlär waqıtında çığarğan näticäsen, yäğni xisabın kiläçäktä internetta uqıp bulaçaq.

Landış Xarrasova

XS
SM
MD
LG