Accessibility links

якшәмбе, 4 декабрь 2016, Казан вакыты 13:24

Lebanda bäreleşlär däwam itä. Bäyrutqa amerikan räsmie kilde


Könyaq Lebannıñ Tir şähärendä bügen Aşığıç yärdäm maşinaları çabıştı. Soñğı 36 säğät eçendä İzrail Lebanğa 160tan artıq hawa höcüme yasağan. Şularnıñ berniçäse Tir şähärenä turı kilgän. Mostafa isemle keşe höcümne bolay sürätläde:

"İrtänge 3nçe yartılarda baş östennän İzrail oçqıçları oçıp ütte, min balalarnı yäşerergä aşıqtım, işekkä citkändä şartlaw yañğıradı" di Mostafa isemle Tir keşese.

Kilgän xäbärlärgä qarağanda İzrail xärbiläre bu şähär tiräsendä Hezbolla suğışçılarına qarşı maxsus operatsiä başqarğan. İzrail desantı boralaqlar belän şähärneñ tönyaq çitendäge ber limon baqçasına töşkän. Hezbollaçılar köçle qarşılıq kürsätkän. 8 İzrail xärbie yaralanğan. Bäreleşlär ber bina tiräsendä barğan. İzrail xärbiläre äytüençä, comğa könne şul nığıtmadan İzrailneñ Hadera qalasına raketa cibärelgän bulğan. Hadera çik buyınnan 80 çaqırım eçtä urnaşqan. Hezbolla raketalarınıñ İzrailgä bolay tirän ütep kergäne yuq ide äle. Şähärneñ xalqı qurqınıçnıñ niçek yaqın ikänen añlağan. Ämmä Şoşana isemle bu xanım ser birmäskä tırıştı:

"Bez niçek bar şulay yäşäwebezne däwam itergä tieş. Xäzer tranşey qazıy başlasaq, kiresençä, alarğa qurquıbıznı kürsätäçäkbez" di Şoşana isemle xanım.

Ul arada Lebanda İzrail häm Quşma Ştatlarğa qarata näfrät xisläre köçäyä. Bügen Bäyrutta ütkän demonstratsiädä qatnaşuçılar Hezbollağa teläktäşlek belderde, İzrail häm Amerikan elämnären yandırdı.

Şul waqıtta yänäşädäge ber binada Quşma Ştatlar däwlät sekretare yärdämçese David Welch Leban premier-ministrı Fuad Siniora belän söyläşülär alıp bardı. Welch üze bu söyläşülärne bik möxim adım dip bäyäläde. Quşma Ştatlar Lebandağı köç qullanularnı tuqtatırğa tırışa, ämmä xäl itäse qayber awır mäsälälär bar dip östäde amerikan räsmie.

ali ğilmi
XS
SM
MD
LG