Accessibility links

Кайнар хәбәр

Leban BMO qararı ölgesen kire qaqtı, Rice – tizräk qabul itergä çaqıra


Şimbä könnne BMO İminlek Şurasınıñ 2 daimi äğzası - Quşma Ştatlar belän Fransiä –bäreleşlärne tuqtatırğa çaqırğan qarar ölgesen täqdim itte.

Leban yağı bu dokumentnı kire qaqtı. Lebannıñ BMOdağı maxsus wäkile Näwhät Mäxmüt:

"Bezneñ töp taläp – bu ölgedä İzrail ğäskärlären Lebannan çığaru telgä dä alınmağan, äyterseñ alarğa qanuni tösmer birelä. İkençe yaqtan, bu qarşı tarafqa basıp kerüçelärgä qarşı höcüm itergä xoquq birä. Häm bu wazğiätne ber dä ciñeläytmi" di Leban wäkile.

Älege ölgedä bäreleşlär tuqtalıp, kileşügä ireşelgännän soñ Könyaq Lebanğa xalıqara köçlär kertü qaralğan. Quşma Ştatlar däwlät sekretare Condolleezza Rice anı "solıxqa taba berençe adım" dip atadı:

"Bu ölgedä İzrail ğäskärlären tulısınça çığaru qaralmağan. Bu fäqät berençe adım - utnı tuqtatu qararı, yağni, xärbi ğämällär, höcümnär, raketa atular – ğadi xalıqqa ğazap kitergä bu ğämällär tuqtatılırğa tieş" di däwlät sekretare.

Condolleezza Rice İminlek Şurasın bu ölgene düşämbe-sişämbe tawışqa quyarğa çaqırdı.

XS
SM
MD
LG