Accessibility links

җомга, 9 декабрь 2016, Казан вакыты 16:41

Windows XP-nıñ tatarçası 10 awgustta internetta urnaştırılaçaq


7 avgust könne Mädäniät ministrlığında Zilä Välieva citäkçelegendä Windows operatsion sistemasınıñ tatarça versiäsen ğämälgä kertü mäsälälärenä bağışlanğan kiñäşmä bulıp uzdı. Älege kiñäşmädä törle däwlät oyışmalarınnan wäkillär häm Microsoft şirkäteneñ Tatarstandağı wäqäläte qatnaştı, dip xäbär itä “İntertat” agentlığı. Windows XP operatsion sistemasınıñ tatarçasın täqdim itü kiçäse 21 yündä uzdırılğan ide inde. Anda tatarçalaştırılğan Windows-nıñ mömkinlekläre, östenlekläre kürsätelde. 17 yüldän başlap Windows-nıñ tatarçasınnan kiñ cämäğätçelek faydalana alaçaq dip xäbär itelgän ide. Ämma 17 yüldän soñ da äle hiçkemneñ tatarçalaştırılğan Windows-nı kürgäne yuq. Menä düşämbe könne Windows XP operatsion sistemasınıñ tatarçası 10 avgustta internetta urnaştırılaçaq, dip xäbär itelde. Zilä Välieva bilgeläp ütkänçä, Tatarstan Respublikasınıñ tellär turındağı qanunı bezdän komp'yuterda da eşne ike teldä alıp barunı taläp itä. Şulay itep, komp'yuterlarnı tatarçalaştıru eşen, berençe çiratta, däwlät orğannarı başlap cibärergä häm qalğan oyışmalar öçen ürnäk bulıp torırğa tieş.

Gölnaz Şäyxetdin

XS
SM
MD
LG