Accessibility links

пәнҗешәмбе, 8 декабрь 2016, Казан вакыты 07:12

İzrail Bäyrutnı bombalawnı däwam itä


Libannıñ könyäğındağı bäreleşlär waqıtında İzrailneñ 3 xärbie, Xizbullanıñ 15 suğışçısı hälaq bulğan. İzrail xärbi citäkçelege belderüençä, Bind-Djbeyl şähäre yanında İzrailneñ soldatı ülgän, 5 äw yaralanğan. Xizbulla höcümgä barğan izraillelärgä tanqqa qarşı raqeta atqan. Labuna awılında isä, İzrailneñ tağın ike soldatı üterelgän.

İzrail Bäyrutnıñ könyaq tirälären bombalawnı däwam itä. Tönge bombalaw näticäsendä kim digändä 20 keşe hälaq bulğan. Fransia BMO İminlek şurasınıñ izrail-liban nizağı rezolusiase ölgesenä üzgäreşlär täqdim itä. Xäbärlärgä qarağanda,Parij Bäyrut häm ğäräb illäre täqdimen- Libannan İzrail ğaskärlären çığarunı qabul itergä äzer.

Rezolusia ölgesenä tawış birü bu atnada uq bulır dip kötelä. Bu xälgä qarata Germania tışqı eşlär ministrı Frank-Wälter Ştaynmayer bolay dide: “Bu atnada tawışqa quyılaçaq BMO İminlek şurası rezolusiase ölgese Yaqın Könçığıştağı suğışnı kiçekmiçä tuqtatu öçen ber çara bulırğa mömkin. İzrail häm Liban, ike yaq ta, Könyaq Liban töbägenä xalıqara tınıçlıq köçlären kertügä qarşı bulmawı moña alşart bulıp tora”. Soñğı yılarda Könyaq Liban Xizbulla küzätüe astında buldı.

XS
SM
MD
LG